Interview Times 
ଓପନ ଏଆଇ ସିଇଓ ସାମ ଅଲଟମ୍ୟାନ ବହିଷ୍କୃତ । ବିଶ୍ବସନୀୟତା ଅଭାବରୁ ତାଙ୍କୁ ସିଇଓ ପଦରୁ ହଟାଯାଇଛି ବୋଲି କହିଛି ଓପନ ଏଆଇ । ପ୍ରାୟ ବର୍ଷକ ତଳେ ଚାଟଜିପିଟି ସୃଷ୍ଟି କରିଥିବା ଓପନ ଏଆଇର ଏହି ନିଷ୍ପତ୍ତି କର୍ପୋରେଟ ଜଗତରେ ଚାଞ୍ଚଲ୍ୟ ସୃଷ୍ଟି କରିଛି । ଚାଟଜିପିଟି ରିଲିଜ ହେବା ପରେ ୩୮ ବର୍ଷ ବୟସ୍କ ଅଲଟମ୍ୟାନ ସାରା ବିଶ୍ବର ଆଇଟି ଜଗତର ନଜରକୁ ଆସିଥିଲେ । ନୂଆ ସିଇଓ ଭାବେ ମୀରା ମୁରାତିଙ୍କୁ ଦାୟିତ୍ବ ଦିଆଯାଇଛି । ଓପନ ଏଆଇ ବୋର୍ଡ ପକ୍ଷରୁ କୁହାଯାଇଛି- କମ୍ପାନି ବୋର୍ଡ ଅଲଟମ୍ୟାନଙ୍କ ସକ୍ଷମତା ଓ ଦାୟିତ୍ବବୋଧର ପରିଚାଳନା ନେଇ ସନ୍ଦେହ ବ୍ୟକ୍ତ କରିଥିଲା । ତାଙ୍କର କାର୍ଯ୍ୟଦକ୍ଷତା ନେଇ ମଧ୍ୟ ବୋର୍ଡ ସସପେନସରେ ରହିଥିଲା । ଓପନ ଏଆଇ ସଂସ୍ଥାର ନେତୃତ୍ବ ନେବାକୁ ଅଲଟମ୍ୟାନ ଅକ୍ଷମ ଥିବା ବୋର୍ଡ ବିଚାର କରିଥିଲା । ଚାଟ ଜିପିଟି ଲଞ୍ଚ ହେବା ପରେ ବିଶ୍ବରେ ଆର୍ଟିଫିସିଆଲ ଇଣ୍ଟେଲିଜେନ୍ସ କ୍ଷେତ୍ରରେ ବିପ୍ଳବ ସୃଷ୍ଟି ହୋଇଥିଲା । ଆମାଜନ, ଗୁଗୁଲ, ମାଇକ୍ରୋସଫଟ ଓ ମେଟା ମଧ୍ୟ ପ୍ରତିଦ୍ବନ୍ଦ୍ବିତା ନେଇ ସମସ୍ୟାରେ ପଡିଥିଲେ । ବିଭିନ୍ନ ବ୍ୟାକରଣଗତ କିମ୍ବା ବିଷୟଗତ ତ୍ରୁଟିକୁ ମାର୍ଜନା କରିବା କ୍ଷେତ୍ରରେ ଚାଟ ଜିପିଟି ପ୍ରମୁଖ ଭୂମିକା ନେଇଥାଏ ।
