Interview Times 
ସାଧନା ଓ ସିଦ୍ଧି ଦୁଇଟି ଭିନ୍ନ ଶବ୍ଦ । ସାଧନା ଏକ ପ୍ରକ୍ରିୟା ଓ ଏହାର ସକାରାତ୍ମକ ଫଳ ହେଉଛି ସିଦ୍ଧି । ନିଷ୍କାମ ସାଧନା ସଭିଙ୍କ ପକ୍ଷେ ସମ୍ଭବ ନୁହେଁ । ଆମ ସମାଜରେ ବ୍ୟକ୍ତିଗତ ଇଚ୍ଛା ଓ ସ୍ବାର୍ଥକୁ ତ୍ୟାଗ କରି ସମାଜ ପାଇଁ ସମର୍ପିତ ହେବା ବ୍ୟକ୍ତିଙ୍କ ସଂଖ୍ୟା ଖୁବ ନଗଣ୍ୟ । ଏକାଗ୍ର ଚିତ୍ତରେ ସେବାକୁ ଜୀବନର ଧର୍ମ ଭାବେ ଗ୍ରହଣ କରିନେଇ ନିଜକୁ ନିଜ ଜନ୍ମମାଟିର ବିକାଶ ଧାରାରେ ସାମିଲ କରି ଲୋକଙ୍କ ପାଇଁ ଉତ୍ସର୍ଗୀକୃତ ହୋଇ ବିରଳ ଉଦାହରଣ ସାଜିଥିବା ବ୍ୟକ୍ତି ହେଉଛନ୍ତି ପ୍ରଫେସର ଡ. ମନୋଜ ରଞ୍ଜନ ନାୟକ ।
ଶିକ୍ଷା, ଚିକିତ୍ସା, ଗଣମାଧ୍ୟମ । ଆମ ଆଧୁନିକ ସମାଜରେ ଏ ତିନୋଟି ପ୍ରମୁଖ ସ୍ତମ୍ଭ ହେଲେ ମନୋଜ ହେଉଛନ୍ତି ତାର ସ୍ତମ୍ଭକାର । ଶିକ୍ଷା କ୍ଷେତ୍ରରେ ସଂସ୍କାର, ଚିକିତ୍ସା କ୍ଷେତ୍ରରେ ଚମତ୍କାର ଓ ଗଣମାଧ୍ୟମ କ୍ଷେତ୍ରରେ ବିପ୍ଳବ ଆଣି ଓଡ଼ିଶାର ପ୍ରତିଟି କୋଣରେ ଲୋକଙ୍କ ପାଇଁ ପରିଚିତ ସାଜିଛନ୍ତି ମନୋଜ । ତାଙ୍କ ଦ୍ବାରା ପ୍ରତିଷ୍ଠିତ ସୋଆ, ସମ ହସପିଟାଲ ଆଜି ଖାଲି ଓଡ଼ିଶାରେ ନୁହେଁ, ବରଂ ସାରା ବିଶ୍ବର ଦୃଷ୍ଟି ଆକର୍ଷଣ କରିଛି । ଜଣେ ଅଧ୍ୟାପକ ଭାବେ ଜୀବନ ଆରମ୍ଭ କରିଥିବା ମନୋଜ ନିଜର ପରିଶ୍ରମ, ଅଧ୍ୟାବସାୟ ଏବଂ ଦୂରଦୃଷ୍ଟିପୂର୍ଣ୍ଣ ନିଷ୍ପତ୍ତି ମାଧ୍ୟମରେ ଆଜି ସମସ୍ତଙ୍କ ପାଇଁ ଖାଲି ପ୍ରେରଣା ସାଜିନାହାନ୍ତି ବରଂ ଅନେକଙ୍କର ଆଶା ଭରସା ସାଜି ସାହା ବି ହୋଇଛନ୍ତି । ମନୋଜଙ୍କ ପ୍ରତ୍ୟେକ୍ଷ ତତ୍ତ୍ବାବଧାନରେ ପ୍ରତିଷ୍ଠିତ ବୈଷୟିକ ଶିକ୍ଷାନୁଷ୍ଠାନ ଶିକ୍ଷା ଓ ଅନୁସନ୍ଧାନ ବା ସୋଆ ଆଜି ରାଜ୍ୟର ଏକ ନମ୍ବର ଶିକ୍ଷାନୁଷ୍ଠାନ ଭାବେ ମାନ୍ୟତା ପାଇଛି । ଦେଶର ଟପ୍ ଟ୍ବେଣ୍ଟିରେ ସୋଆ ସ୍ଥାନ ପାଇ ଓଡ଼ିଶା ପାଇଁ ଗୌରବ ଆଣିଛି । ଅତ୍ୟାଧୁନିକ ଜ୍ଞାନକୌଶଳ ସମ୍ପନ୍ନ ଭିତ୍ତିଭୂମି, ଉତ୍ତମ ଶିକ୍ଷାଦାନ ବ୍ୟବସ୍ଥା ସୋଆକୁ ଦେଶ ବିଦେଶରେ ପରିଚିତ କରିଛି । ଶିକ୍ଷା କ୍ଷେତ୍ରରେ ସୋଆର ବିପ୍ଳବ ବିଦେଶୀ ଛାତ୍ରଛାତ୍ରୀଙ୍କୁ ମଧ୍ୟ ଆକୃଷ୍ଟ କରିଛି । ଯେଉଁଥିପାଇଁ ସୋଆ ପାଲଟିଛି ଛାତ୍ରଛାତ୍ରୀଙ୍କ ପ୍ରଥମ ପସନ୍ଦ ।
ଓଡ଼ିଶାବାସୀଙ୍କ ସ୍ବାସ୍ଥ୍ୟର ସୁରକ୍ଷା ଦିଗରେ ମନୋଜଙ୍କ ଅବଦାନ ଉଲ୍ଲେଖନୀୟ । ସୋଆ ଅଧୀନରେ ଇନଷ୍ଟିଚ୍ୟୁଟ ଅଫ ମେଡିକାଲ ସାଇନ୍ସ ଆଣ୍ଡ ସମ ହସପିଟାଲ ଆଜି ରାଜ୍ୟର ଘରେ ଘରେ ପରିଚିତ । ରାଜ୍ୟ ତଥା ରାଜ୍ୟ ବାହାରର ରୋଗୀଙ୍କ ପାଇଁ ସମ ପାଲଟିଛି ଭରସାର କେନ୍ଦ୍ରବିନ୍ଦୁ । ପୂର୍ବ ଭାରତରେ ଉନ୍ନତମାନର ଚିକିତ୍ସା ସେବା ଯୋଗାଇବାରେ ସମ ଅନ୍ୟତମ । ଅତ୍ୟାଧୁନିକ ଭିତ୍ତିଭୂମି, ଅଭିଜ୍ଞ ଡାକ୍ତର, ଉନ୍ନତ ଜ୍ଞାନକୌଶଳ ଅବଲମ୍ବନରେ ସମ ଦେଶବିଦେଶରେ ଜଣାଶୁଣା । ଯେଉଁଥିପାଇଁ ସମରେ ହିଁ ଅନେକ ବିରଳତମ ଅପରେସନ ସଫଳ ହୋଇଛି । ଏହାଛଡ଼ା ଆଉଟଡୋରରେ ରୋଗୀଙ୍କୁ ମାଗଣା ଚିକିତ୍ସା ସେବା ପ୍ରଦାନକରି ଘରୋଇ ହସପିଟାଲ କ୍ଷେତ୍ରରେ ବିରଳ ଉଦାହରଣ ସାଜିଛନ୍ତି ମନୋଜ ।
କରୋନାରେ ଯେତେବେଳେ ସାରା ଦେଶ ଜର୍ଜରିତ ହେଉଥିଲା । ମେଡିକାଲ ଭିତ୍ତିଭୂମି ପାଇଁ ହାହାକାର ପରିସ୍ଥିତି ଉପୁଜିଥିଲା । ସେତେବେଳେ ମନୋଜଙ୍କ ବଦାନ୍ୟତା ହଜାରହଜାର ରୋଗୀଙ୍କ ଜୀବନ ବଞ୍ଚାଇଥିଲା । କରୋନା ରୋଗୀଙ୍କ ପାଇଁ ସେବାର ନୂଆ ଅଧ୍ୟାୟ ଲେଖିଥିଲେ ମନୋଜ । ସମର ପରିଚାଳନାଗତ ଦକ୍ଷତାକୁ ଦେଖି ରାଜ୍ୟ ସରକାର ମଧ୍ୟ ତାଙ୍କ ଉପରେ ଭରସା କରିଥିଲେ । ସରକାରଙ୍କ ସହଯୋଗରେ ସମ ପକ୍ଷରୁ ୪ଟି କୋଭିଡ ହସପିଟାଲ ଓ ୨ଟି କୋଭିଡ କେୟାର ସେଣ୍ଟର ଖୋଲାଯାଇଥିଲା । ଏହାଛଡ଼ା ଉନ୍ନତ ଚିକିତ୍ସା ସେବା ହଜାର ହଜାର ରୋଗୀଙ୍କ ଜୀବନ ବଞ୍ଚାଇଥିଲା । ଗଣମାଧ୍ୟମ କ୍ଷେତ୍ରରେ ବି ବେଶ୍ ସଫଳ ମନୋଜ । ତାଙ୍କଦ୍ବାରା ଗୋଟିଏ ଇଲୋକ୍ଟ୍ରୋନିକ୍ସ ଓ ଗୋଟିଏ ଛାପା ଗଣମାଧ୍ୟମ ପ୍ରତିଷ୍ଠା ହୋଇଛି । ଉଭୟ ରାଜ୍ୟବାସୀଙ୍କ ଆପଣାର ହୋଇପାରିଛି । ଦେଶ, ରାଜ୍ୟ ତଥା ସମାଜ ପାଇଁ ମନୋଜଙ୍କ ଅବଦାନ ଅତୁଳନୀୟ । ଯେଉଁଥିପାଇଁ ପ୍ରତିଟି ବ୍ୟକ୍ତିଙ୍କ ମନରେ ତାଙ୍କ ପାଇଁ ସମ୍ମାନ ଓ ଭଲପାଇବା ଭରିରହିଛି ।
