ଆସନ୍ତା ମାର୍ଚ୍ଚ ୧୦ରୁ ମାଟ୍ରିକ ସମ୍ମେଟିଭ ଆସେସମେଣ୍ଟ ପରୀକ୍ଷା

ଓଡିଶା ମାଧ୍ୟମିକ ଶିକ୍ଷା ପରିଷଦ(ବୋର୍ଡ) ପକ୍ଷରୁ ଆସନ୍ତା ମାର୍ଚ୍ଚ ୧୦ରୁ ମାଟ୍ରିକ ସମ୍ମେଟିଭ ଆସେସମେଣ୍ଟ (ଏସଏ)-୨ ପରୀକ୍ଷା ଆରମ୍ଭ ହେବ। ଏହା୧୭ ତାରିଖ ଯାଏଁ ଚାଲିବ।

ହାଇସ୍କୁଲ ସାର୍ଟିଫିକେଟ ବ୍ୟତୀତ ମଧ୍ୟମା ଓ ରାଜ୍ୟ ମୁକ୍ତବିଦ୍ୟାଳୟ ସାର୍ଟିଫିକେଟର ଛାତ୍ରଛାତ୍ରୀ ମାନେ ପରୀକ୍ଷା ଦେବେ। ସେହିପରି ୯ମ ଏଵଂ ମଧ୍ୟମା ନିମନ୍ତେ ଫେବୁଆରୀ ୨୦ରୁ ୨୫ ଯାଏଁ ଚାଲିବ।

ସେହିପରି ଧନ୍ଦାମୂଳକ ଶିକ୍ଷାର ପ୍ରାକ୍ଟିକାଲ ପରୀକ୍ଷା ଫେବୃଆରୀ ୯ ରୁ ୧୪ ମଧ୍ୟରେ ନିଜ ସ୍କୁଲର ମୁଖ୍ୟଙ୍କ ତାୱାବଧାନରେ କରାଯିବ। ପରୀକ୍ଷାର ମାର୍କ ଗୁଡ଼ିକ ଫେବୃଆରୀ ୨୨ରୁ ୨୮ ତାରିଖ ମଧ୍ୟରେ ନିୟୁଟ୍ରାଲ ସ୍କୁଲରେ ମୂଲ୍ୟାଙ୍କନ ହେବ। ୯ମ ଏସ ଏ-୨ ଏବଂ ଏଫଏ-୩ ଓ ୪ର ନମ୍ବର ପରୀକ୍ଷା ଫଳ ମାର୍ଚ୍ଚ ୨ରୁ ୧୦ ମଧ୍ୟରେ ଅପଲୋଡ କରାଯିବ।

ମାର୍ଚ୍ଚ ଶେଷ ସପ୍ତାହରେ ପରୀକ୍ଷା ଫଳ ପ୍ରକାଶ ପାଇବ । ୨୦୨୩-୨୪ର ନୂତନ ଶିକ୍ଷା ବର୍ଷ ଅପ୍ରେଲରୁ ଆରମ୍ଭ ହେବ ବୋଲି ସାମ୍ୱାଦିକ ସମ୍ମିଳନୀରେ ବୋର୍ଡ ସଭାପତି ରାମଶିଷ ହାଜରା ସୂଚନା ଦେଇଛନ୍ତି ।

ସମ୍ମେଟିଭ -୨ପରୀକ୍ଷା ନିମନ୍ତେ ଖୁବ୍ ଶୀଘ୍ର ବୋର୍ଡ ପକ୍ଷରୁ ବିଜ୍ଞାପନ ପ୍ରକାଶ ପାଇବ। ଏହି ସାମ୍ବାଦିକ ସମ୍ମିଳନୀରେ ଉପସଭାପତି ଡକ୍ଟର ନିହାର ରଞ୍ଜନ ମହାନ୍ତି, ସମ୍ପାଦକ ସୁମିତ୍ରା ସରକାର ଉପସ୍ଥିତ ଥିଲେ। ରାଜ୍ୟରେ ମୋଟ ୫ ଲକ୍ଷ ୩୨ ହଜାର ୭୧୨ ଛାତ୍ରଛାତ୍ରୀ ହାଇସ୍କୁଲ ସାର୍ଟିଫିକେଟ ନିମନ୍ତେ ଏହି ପରୀକ୍ଷା ଦେବେ ଏଥିଲାଗି ବୋର୍ଡ ପକ୍ଷରୁ ୩୦ ଜିଲ୍ଲାରେ ୩ ହଜାର ୨୯ଟି ପରୀକ୍ଷା କେନ୍ଦ୍ରର ବ୍ୟବସ୍ଥା କରାଯାଇଛି ।