ଇଞ୍ଜିନିୟର ରାମ ପ୍ରସାଦ ପଣ୍ଡା

ବ୍ୟକ୍ତିତ୍ୱ ଯେତିକି ଉଚ୍ଚ, ଚିନ୍ତାଧାରା ସେତିକି ମାର୍ଜିତ ।
ଜାତୀୟ ରାଜପଥ ପ୍ରାଧିକରଣ କତ୍ତୃପକ୍ଷ ଭୁବନେଶ୍ୱରଙ୍କ ଚିଫ ଜେନେରାଲ ମ୍ୟାନେଜର ଡକ୍ଟର ରାମ ପ୍ରସାଦ ପଣ୍ଡା । ଏନଏଚଏଆଇର ମୁଖିଆ ଏହି ଓଡ଼ିଆ ପୁଅ ଆଜି ସାରା ଦେଶରେ ଜଣେ ଚର୍ଚ୍ଚିତ ଚେହେରା । ତାଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଚାଲିଛି ରାଜ୍ୟରେ ରାଜପଥର ବିକାଶ କାର୍ଯ୍ୟ । କେବଳ ରାଜପଥ ନୁହେଁ ରାଜପଥ ସହ ଜଡ଼ିତ ଥିବା ଆନୁସଙ୍ଗୀକ କାର୍ଯ୍ୟ ବି ଏନଏଚଏଆଇ ହାତରେ ରହିଛି ।

ଚିଲିକାରେ ରୋପ ୱେ’ ନିର୍ମାଣ ଭଳି ପ୍ରକଳ୍ପର ଆହ୍ୱାନକୁ ବି ସେ ସାମ୍ନା କରିଛନ୍ତି । କେବଳ ଏତିକିନୁହେଁ ଓଡ଼ିଶାରେ କଟକ-ସମ୍ବଲପୁର, ଭଦ୍ରକ-ବାଲେଶ୍ୱର ପ୍ରକଳ୍ପର କାର୍ଯ୍ୟ ଜୋରସୋରରେ ଚାଲିଛି । ରାୟପୁର-ବିଶାଖାପାଟଣାମ କରିଡ କାର୍ଯ୍ୟ ବି ତାଙ୍କ ନେତୃତ୍ୱରେ ଆଗକୁ ବଢ଼ୁଛି । ଖୋର୍ଦ୍ଧା ରାଜରାସ୍ତାକୁ ଆଠ ଲେନ କରିବା ଭଳି ନୂଆ ରେକର୍ଡର ମଙ୍ଗଧାର ଏନଏଚଏଆଇର ଏହି ଟପ ଇଞ୍ଜିନିୟର । ତାଙ୍କ ଦକ୍ଷତା ଯେତିକି, ଦାୟୀତ୍ୱବୋଧ ବି ସେତିକି ।

ଗଞ୍ଜାମ ଜିଲ୍ଲାରେ ଜନ୍ମଗ୍ରହଣ କରିଥିବା ରାମ ପ୍ରସାଦ ପଣ୍ଡା ଆଜି ସାରା ଦେଶର ବିକାଶରେ ନେଇଛନ୍ତି ବଡ଼ ଭୂମିକା । ଇଞ୍ଜିନିୟରିଂକୁ ଜାଣିଥିବା ଓ ଅଭିଜ୍ଞତାକୁ ପରଖିଥିବା ରାମ ପ୍ରସାଦ ପଣ୍ଡାଙ୍କ ଏଜେଣ୍ଡା ବି ଭାରି ନିଆରା । ଅସମ୍ଭବକୁ ସମ୍ଭବ କରିବାର ଜ୍ଞାନକୌଶଳର ଅଧିକାର ଏହି ଟପ ଟେକନିକାଲ ଇଞ୍ଜିନିୟର । ସେଥିପାଇଁ ତ ଉଭୟ ରାଜ୍ୟ ଓ କେନ୍ଦ୍ର ସରକାର ଭିତ୍ତିଭୂମି ବିକାଶରେ ତାଙ୍କୁ ଏତେ ବିଶ୍ୱାସ କରନ୍ତି ।
ବର୍ତ୍ତମାନ ରାଜ୍ୟରେ ଅନେକ ନୂଆ ପ୍ରକଳ୍ପ ବି ରାମ ପ୍ରସାଦ ପଣ୍ଡାଙ୍କ ନେତୃତ୍ୱରେ ଚାଲିଛି ।

କ୍ୟାପିଟାଲ ରିଜିଅନ ରିଂ ରୋଡ, କୋଷ୍ଟାଲ ହାଇୱେ ଭଳି ପ୍ରକଳ୍ପ ବର୍ତ୍ତମାନ ରାମ ପ୍ରସାଦ ପଣ୍ଡାଙ୍କ ଡ୍ରିମ ମୋଡେଲ ଓ ପ୍ରୋଜେକ୍ଟ କହିଲେ କିଛି ଭୂଳ ହେବନି । ଏହି ସଫଳ ଓଡ଼ିଆ ପୁଅଙ୍କଠୁ ଅନେକ କିଛି ଆଶା ରଖିଛି ଓଡ଼ିଶା ।