ଉଦାହରଣ ସୃଷ୍ଟି କଲେ ପୂର୍ବତନ ବିଧାୟକ, ବୋହୂର କଲେ ଦ୍ଵିତୀୟ ବିବାହ

ଉଦାହରଣ ସୃଷ୍ଟି କଲେ ପୂର୍ବତନ ବିଧାୟକ, ବୋହୂର କଲେ ଦ୍ଵିତୀୟ ବିବାହ । ପୂର୍ବତନ ବିଧାୟକ ନବୀନ ନନ୍ଦ ପୁଅଙ୍କ ମୃତ୍ୟୁ ପରେ ନିଜ ବୋହୂର କରାଇଛନ୍ତି ଦ୍ୱିତୀୟ ବିବାହ ।

ବାଲେଶ୍ୱର ଜିଲ୍ଲା ରେମୁଣାର ସ୍ୱର୍ଗତ କିଶୋର ଚନ୍ଦ୍ର ପତିଙ୍କ ଏକମାତ୍ର ପୁଅ ଶିବ ଚନ୍ଦନଙ୍କ ସହ ବୋହୂ ମଧୁସ୍ମିତାଙ୍କ ବିବାହ କରାଇଥିବା ସୋସିଆଲ ମିଡିଆ ପୋଷ୍ଟରେ ଲେଖିଛନ୍ତି ପୂର୍ବତନ ବିଧାୟକ ନବୀନ ନନ୍ଦ । ବିବାହ ସମୟରେ ନବୀନଙ୍କ ପତ୍ନୀ ରଞ୍ଜିତା ଏବଂ ମଧୁସ୍ମିତାଙ୍କ ଦୁଇ ଭାଇ ସୌମ୍ୟରଞ୍ଜନ ଓ ରଶ୍ମୀରଞ୍ଜନ ଉପସ୍ଥିତ ଥିଲେ ।

ସମ୍ବିତଙ୍କର ଏକ ୫ ବର୍ଷର ଝିଅ ମଧ୍ୟ ଅଛି। ସୋସିଆଲ ମିଡିଆରେ ଏକ ଆବେଗଭରା ପୋଷ୍ଟ କରିଛନ୍ତି ନବୀନ । ସେ ଲେଖିଛନ୍ତି ଏହି ପୋଷ୍ଟ ରେ ଲେଖିଛନ୍ତି ଏହି ଦିନଟି ତାଙ୍କ ପୁଅ ପାଇଁ ସ୍ମରଣୀୟ ହୋଇ ରହିବ । ଠିକ କରିଛନ୍ତି ନା ଭୁଲ କରିଛନ୍ତି ତାହା ସେ ଜାଣିନାହାନ୍ତି । କିନ୍ତୁ ହିନ୍ଦୁ ରୀତିନୀତି ଓ ପରମ୍ପରାରୁ ବାହାରକୁ ଯାଇ ତାଙ୍କ ସ୍ୱର୍ଗତ ପୁଅ ସମ୍ବିତଙ୍କ ପତ୍ନୀ ମଧୁସ୍ମିତାଙ୍କୁ ଦ୍ୱିତୀୟ ବିବାହ ପାଇଁ ସମ୍ମତି ଦେଇଛନ୍ତି ।

ଏଥିରେ ତାଙ୍କର ସମୁଦି ଅର୍ଥାତ ମଧୁସ୍ମିତାଙ୍କ ବାପା ନୀଳମଣ୍ଡି ପଣ୍ଡାଙ୍କ ସ୍ୱୀକୃତି ରହିଥିବା ଲେଖିଛନ୍ତି । ଉଭୟ ପରିବାରର ସମ୍ମତିରେ ଭୁବନେଶ୍ୱର ନୟାପଲ୍ଲୀରେ ଥିବା ଲକ୍ଷ୍ମୀ ମନ୍ଦିରରେ ଅତି ନିରାଡମ୍ବର ଭାବେ ବିବାହ ଶେଷ ହେଲା ।