ରାଜନୀତିର ବାଦଶାହା ପ୍ରଣବ ପ୍ରକାଶ ଦାସ

ବିପଦର ବନ୍ଧୁ । ଜଣେ ଜନପ୍ରତିନିଧି । ଯାଜପୁରର ବିଧାୟକ । ବିଜେଡିର ସାଙ୍ଗଠନିକ ସମ୍ପାଦକ ।

ପ୍ରଣବ ପ୍ରକାଶ ଦାସ । ଏହି ନାଁ ହିଁ ଯଥେଷ୍ଟ । ବିଜେଡି ରାଜନୀତିରେ ସେ ଯେତିକି ପାୱାରଫୁଲ, ଓଡ଼ିଶାର ଚାରିକୋଟି ଲୋକଙ୍କ ପାଖରେ ସେ ସେତିକ ଲୋକପ୍ରିୟ । ସାଙ୍ଗଠନିକ ଦକ୍ଷତା ସହ ବିଶ୍ୱସନୀୟତା ତାଙ୍କ ପରିଚୟ ।

ନିର୍ବାଚନୀ ଗୋଟିଚାଳନା ହେଉ ଅବା ଉପନିର୍ବାଚନ ଷ୍ଟ୍ରାଟେଜି, ସବୁଠି ପ୍ରଣବଙ୍କର ରହିଛି ପତିଆରା ଓ ସଫଳତାର କାହାଣୀ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅତି ଖାସ ପ୍ରଣବ । ଆଉ ଲୋକଙ୍କ ପାଇଁ ସେ ନୁହଁନ୍ତି ବିଧାୟକ ବରଂ ଅତି ଆପଣାର ବବି ଭାଇ । ବର୍ଷ ୨୦୨୨ରେ ପଦ୍ମପୁର ହେଉ ଅବା ଝାରସୁଗୁଡ଼ା ଉପନିର୍ବାଚନ । ବବିଙ୍କ ଗୋଟି ଚାଳନା ବିରୋଧୀଙ୍କୁ କାବା କରି ଦେଇଛି । ସେହିଭଳି ସଙ୍ଗଠନକୁ ଆହୁରି ସୁଦୃଢ଼ କରିବାରେ ତାଙ୍କ ଭୂମିକା ଓ ଅନ୍ଦାଜ ବିଜେଡି ସୁପ୍ରିମୋଙ୍କୁ ବି ବେଶ ପ୍ରଭାବିତ କରିଛି । ସେଥିପାଇଁ ତ ତାଙ୍କୁ ମିଳିଛି ସଙ୍ଗଠନ ସମ୍ପାଦକ ଦାୟୀତ୍ୱ ।

ହେଲେ ବବିଙ୍କ ଏହି ସଫଳତା ପଛରେ ରହିଛି ତାଙ୍କ ନିଆରା ବ୍ୟକ୍ତିତ୍ୱ । ଭୋଟ ରାଜନୀତିରେ ସିନା ବିରୋଧୀ ସମାଲୋଚନା କରନ୍ତି, ହେଲେ ବ୍ୟକ୍ତିଗତ ଭାବେ ସମସ୍ତଙ୍କର ପ୍ରିୟ ବବି ଭାଇ । ଶାସକ ଦଳରେ ସେ ଜଣେ ଅତି ମିଶାଣିଆ ବ୍ୟକ୍ତିତ୍ୱ । ବରିଷ୍ଠଙ୍କୁ ସମ୍ମାନ, ସହଯୋଗୀଙ୍କୁ ସମର୍ଥନ ଆଉ ନବାଗତଙ୍କ ପାଇଁ ସେ ଜଣେ ପ୍ରେରଣା ।
୨୦୦୯ ମସିହାରେ ବିଧାନସଭାକୁ ଆସିଥିଲେ ପ୍ରଣବ ପ୍ରକାଶ ଦାସ । ରାଜନୀତିର ପୋଖତ ରାଜନୀତିଜ୍ଞ ଅଶୋକ ଦାସଙ୍କ ଏହି ଦାୟାଦ ଆରମ୍ଭରୁ ହିଁ ଦେଇଥିଲେ ନିଜ ଦକ୍ଷତାର ପରିଚୟ । ୨୦୧୪ ମସିହା ନିର୍ବାଚନ ପରେ ତାଙ୍କୁ ମିଳିଥିଲା ମନ୍ତ୍ରୀ ପଦ । ହେଲେ ସଙ୍ଗଠନ ସେବା ପାଇଁ ସେ ମନ୍ତ୍ରୀ ପଦ ବି ଛାଡ଼ିଥିଲେ । ସୁପ୍ରିମୋଙ୍କ ପ୍ରତିଟି ନିର୍ଦ୍ଦେଶକୁ ସଫଳତାର ସହ କାର୍ଯ୍ୟକାରୀ କରିଥିଲେ । ଆଜି ସେ ବିଜେଡିର ସାଙ୍ଗଠନିକ ସମ୍ପାଦକ । ରାଜନୀତିର ଟପରେ ଥାଇ ବି ବେଶ ସରଳ ଓ ପରିଶ୍ରମୀ ବବି ଦାସ ।

ମନ୍ତ୍ରୀ ନବ ଦାସଙ୍କ ମୃତ୍ୟୁ ଘଟଣାରେ ପଦବୀ ଓ ରାଜନୀତିର ଦାୟୀତ୍ୱରୁ ଉର୍ଦ୍ଧ୍ୱକୁ ଯାଇ ସେ ଦେଇଛନ୍ତି ମାନବିକତାର ପରିଚୟ । ଶୋକାକୂଳ ପରିବାର ସହ ପ୍ରତି ମୂହୁର୍ତ୍ତରେ ଛିଡ଼ା ହୋଇଥିଲେ ପ୍ରଣବ ପ୍ରକାଶ ଦାସ । କେବଳ ଏହି ଗୋଟିଏ ଘଟଣା ନୂହେଁ ଉପାନ୍ତ ଇଲାକାର ଅଭାବି ମଣିଷର ଦରଦି ବନ୍ଧୁ ବି ସେ ସାଜିଛନ୍ତି ।

ସେଥିପାଇଁ ତ ଲୋକଙ୍କ ଭିତରେ ସେ ଯେତିକି ଲୋକପ୍ରିୟ, ପାୱାର କରିଡରରେ ସେତିକି ପାୱାରଫୁଲ । ବର୍ତ୍ତମାନ ଆଗାମୀ ନିର୍ବାଚନରେ ବବିଙ୍କ ଗୋଟିଚାଳନାକୁ ଅନାଇ ରହିଛନ୍ତି ବିରୋଧୀ । ହେଲେ କାହା ବିଷୟରେ କେବେ ପଦେ କହୁନଥିବା ବିବି ଆଜି ବି ନିଜ କାର୍ଯ୍ୟ ଓ ଦାୟୀତ୍ୱକୁ ପାଥେୟ କରି ଆଗେଇ ଚାଲିଛନ୍ତି ।

ଭୁବନେଶ୍ୱରରୁ ଅଭିନ୍ନ ଆଶୁତୋଷ ଶତପଥୀଙ୍କ ରିପୋର୍ଟ ।