ସୂର୍ଯ୍ୟକାନ୍ତ ବେହେରା: ମେଗା ବିଲଡର୍ସର ପ୍ରତିଷ୍ଠାତା

ସେ ଜଣେ ବିଲଡର । ହେଲେ ଲୋକଙ୍କୁ ଔଷଧ ଦିଅନ୍ତି । ତାଙ୍କ ପରିଚୟ ଓ ଆଦୃତିକୁ ଜାଣିବା ପୂର୍ବରୁ ଦେଖନ୍ତୁ ଏହି ରିପୋର୍ଟ ।
ମେଗା ବିଲଡର । ୨୦୦୦ରୁ ଅଧିକ ଗ୍ରାହକ । ବିଶ୍ୱାସ ଓ ବିଶ୍ୱସନୀୟତାର ସଂସ୍ଥା । ରାଜଧାନୀର ଓମଫେଡ଼ ଛକ, ଗାଢ଼କଣା ସହ କଟକ, ଭଦ୍ରକ ଓ ଯାଜପୁର ଜିଲ୍ଲାରେ ଘର-ଜମି କାରବାରର ବିଶ୍ୱସନୀୟ ସଂସ୍ଥା ମେଗା ବିଲଡର୍ସ । ବିଏସ-୫ ଫ୍ଲାଟ ନିର୍ମାଣ ସହ ନନ୍ଦନକାନନ ଅଞ୍ଚଳରେ ଟାଉନସିପ ପ୍ଳାନର ପୁରୋଧା । ୧୫୦ ଟଙ୍କାରେ ଗୋଟିଏ ସ୍କ୍ୱାୟାରଫୁଟ ଜମି ବିକ୍ରି କରି ବ୍ୟବସାୟ ଆରମ୍ଭ କରିଥିବା ସଂସ୍ଥା ଆଜି କୋଟି କୋଟି ଟଙ୍କା କାରବାର କରି ଅନେକ ଲୋକଙ୍କ ମନ ଜିଣିଛିି । ସାଧାରଣ ଲୋକଙ୍କୁ ଯୋଗାଇପାରିଛି ନିଜ ମନ ପସନ୍ଦର ଘର । ଲୋକଙ୍କ ସ୍ୱପ୍ନ ପୂରଣ କରିଛି ଏହି ବିଲଡର୍ସ ସଂସ୍ଥା । ହେଲେ ଏହା ପଛରେ ଯେଉଁ ବ୍ୟକ୍ତିଙ୍କ ହାତ ରହିଛି ତାଙ୍କ ବିଷୟରେ ଆସନ୍ତୁ ଜାଣିବା ।

ସୂର୍ଯ୍ୟକାନ୍ତ ବେହେରା
ମେଗା ବିଲଡର୍ସର ପ୍ରତିଷ୍ଠାତା

ବୋଧହୁଏ ସେ କେବେ ଭାବି ନଥିବେ ସେ ଜଣେ ବିଲଡର ହେବେ । ବି-ଫାର୍ମା ପାଠ୍ୟକ୍ରମ ଶେଷ କରିଛନ୍ତି ସୂର୍ଯ୍ୟକାନ୍ତ ବାବୁ । ହେଲେ ଲୋକସେବାର ନିଶାରେ ସେ ଥିଲେ ଚୁର । ଅଭାବି ମଣିଷର ଦୁଃଖ ତାଙ୍କୁ କରିଥିଲା ପ୍ରଭାବିତ । ଏଣୁ ଆରମ୍ଭରୁ ସେ ସମାଜସେବା ପାଇଁ ମନ ବଳାଇଥିଲେ । ହେଲେ ଏଥିପାଇଁ ବାଟ ଓଗାଳିଥିଲା ଆର୍ଥିକ ସମସ୍ୟା । ଏଣୁ ପ୍ରଥମେ ରୋଜଗାରର ମାଧ୍ୟମ ଖେଜିଥିଲେ । ଜମିଜମା କାରବାରରେ ସାମିଲ ହୋଇଥିଲେ । ଧିରେ ଧିରେ ବଢ଼ିଥିଲା ବ୍ୟବସାୟ । ଆଉ ଆଜି ମେଗା ବିଲଡର୍ସ ଗୋଟିଏ ବ୍ରାଣ୍ଡ । ହେଲେ ଆପଣ ଜାଣି ଆଶ୍ଚର୍ଯ୍ୟ ହେବେ ସୂର୍ଯ୍ୟକାନ୍ତ ବେହେରା କିନ୍ତୁ ଆଜି ବି ଅତି ସରଳ, ନମ୍ର ଓ ଭଦ୍ର । ସଫଳତାର ଅହଙ୍କାର ନା ତାଙ୍କୁ ଛୁଇଁଛି ନା ପ୍ରତିଷ୍ଠାର ପ୍ରତିପତ୍ତି । ତାଙ୍କ ସହ ଆମର ସ୍ୱତନ୍ତ୍ର ସାକ୍ଷାତକାର ।

1-ଆପଣ କାହିଁକି ରିଅଲ ଇଷ୍ଟେଟ ବ୍ୟବସାୟକୁ ବାଛିଲେ?
ସୂର୍ଯ୍ୟକାନ୍ତ ବେହେରା: ବଡ଼ ହୋଇ ସମାଜସେବା କରିବାକୁ ଇଚ୍ଛା ଥିଲା । ମେଡିକାଲ ପ୍ରଫେସନ ଜଏନ କଲି । କିନ୍ତୁ ବେଶି ରୋଜଗାର ନଥିଲା । ଲୋକଙ୍କୁ ସାହାଯ୍ୟ କରିବାକୁ ହେଲେ ନିଜ ପାଖେ ସମ୍ବଳ ଥିବା ଦରକାର । ଏଣୁ ବ୍ୟବସାୟ କଥା ଚିନ୍ତା କଲି । ରିଅଲ ଇଷ୍ଟେଟରେ ରିସ୍କ ଥିଲା କିନ୍ତୁ ଆର୍ଥିକ ସରବରାହ ବା ମନିଫ୍ଲୋ ବି ଥିଲା । ଏଣୁ ଏହି ଦୁନିଆରେ ପାଦ ଥାପିଲି ।

2-ଏହି ବୃତ୍ତି ପାଇଁ କ’ଣ ଆହ୍ୱାନ ସାମ୍ନା କରିଛନ୍ତି?
ସୂର୍ଯ୍ୟକାନ୍ତ ବେହେରା: ନୂଆ ନୂଆ ବ୍ୟବସାୟ ବେଳେ ଘରେ କହିଲେ ଦଲାଲି କରୁଛି । ଘରକୁ ଯାଇଥିଲି, ଘରେ ରଖିଦେଲେ । ୩ ବର୍ଷ ଘରୁ ବାହାରେ ରହିଲି । ସଚ୍ଚୋଟତା ଜରିଆରେ ସଫଳ ହେଲି ।

3-ଯେହେତୁ ଆପଣ ମେଡିକାଲ ବା ଫାର୍ମା ପାଠ ପଢ଼ିଛନ୍ତି, କିଛି ସମୟ ସେହି ବୃତ୍ତିରେ ବି ଥିଲେ, ଏଣୁ ମେଡ଼ିକାଲ ବୃତ୍ତି ପାଇଁ ଆଗ୍ରହ ଅଛି ନା ନାହିଁ?
ସୂର୍ଯ୍ୟକାନ୍ତ ବେହେରା: ଆଜି ବି ସମୟ ପାଇଲେ ମେଡିକାଲ ବହି ପଢ଼େ । ଲୋକଙ୍କୁ ମେଡିସିନି ଦିଏ । ଅନେକ ଲୋକ ଆଜି ବି ମୋ ଔଷଧ ଖାଇ ଭଲ ହୋଇଛନ୍ତି । ଆଜି ବି ମେଡିସିନି ଉପରେ ରିସର୍ଚ୍ଚ କରୁଛି ।

ଅଳ୍ପ ସମୟର ସାକ୍ଷାତକାର ଭିତରେ ଆମେ ବୁଝିଥିଲୁ ସୂର୍ଯ୍ୟକାନ୍ତ ବେହେରାଙ୍କ ବିଜି ସିଡ଼୍ୟୁଲ । ଦିନଯାକ କାମ । ନିଜେ ଗ୍ରାଉଣ୍ଡରେ ପହଁଚି ସେ ସ୍ଥିତି ପରଖନ୍ତି । ପ୍ରତିଦିନ ଶହ ଶହ ଲୋକଙ୍କ ସହ ଭେଟଘାଟ । ଘରକୁ ଗଲା ବେଳକୁ ବିଳମ୍ବିତ ରାତି । ହଁ…ଆରମ୍ଭରୁ ଘର ଲୋକ ବୁଝୁ ନଥିଲେ । ହେଲେ ତାଙ୍କ କର୍ତ୍ତବ୍ୟନିଷ୍ଠା ଓ ସଚ୍ଚୋଟତା ତାଙ୍କୁ ଆଜି ବ୍ୟବସାୟୀକ ଜୀବନରେ ଯେତିକି ସଫଳ କରିଛି ପାରିବାରିକ ଖୁସି ବି ସେତିକି ଦେଇଛି । ଏତେ ସଫଳତା ପରେ ବି ସେ ଆଜି ଭାରି ସରଳ ଓ ନମ୍ର ।