ସୀମାରେ ପଶିବାକୁ ଉଦ୍ୟମ କରୁଥିବାବେଳେ ୭ ଆତଙ୍କୀ ନିପାତ
ଭାରତ-ପାକ୍ ଉତ୍ତେଜନା ମଧ୍ୟରେ, ଭାରତୀୟ ସେନା ପାକିସ୍ତାନର ପ୍ରତ୍ୟେକ ଆକ୍ରମଣର କଡ଼ା ଜବାବ ଦେଇଛି। ଭାରତୀୟ ପ୍ରତିରକ୍ଷା ପ୍ରଣାଳୀ ଦ୍ୱାରା ପାକିସ୍ତାନ ଦ୍ୱାରା କରାଯାଇଥିବା ଡ୍ରୋନ୍ ଏବଂ କ୍ଷେପଣାସ୍ତ୍ର ଆକ୍ରମଣକୁ ଆକାଶରେ ଧ୍ୱଂସ କରାଯାଇଥିଲା। ଏହି ସମୟରେ, ଜମ୍ମୁର ସାମ୍ବା ଜିଲ୍ଲାରେ, ବିଏସଏଫ ଅନ୍ତର୍ଜାତୀୟ ସୀମାରେ ଏକ ବଡ଼ ଅନୁପ୍ରବେଶ ପ୍ରୟାସକୁ ପଣ୍ଡ କରିଦେଇଛି । ସୀମା ସୁରକ୍ଷା ବଳ (ବିଏସଏଫ) ଅନ୍ତର୍ଜାତୀୟ ସୀମାରୁ ସାମ୍ବା ସେକ୍ଟରକୁ ଅନୁପ୍ରବେଶ ଉଦ୍ୟମକୁ ପଣ୍ଡ କରିଥିଲା ଏବଂ ସାତ ଜଣ ଆତଙ୍କବାଦୀଙ୍କୁ ନିପାତ କରିଥିଲା।
କୁହାଯାଉଛି ଯେ ୧୦-୧୨ ଜଣ ଆତଙ୍କବାଦୀ ଅନୁପ୍ରବେଶ କରିବାକୁ ଚେଷ୍ଟା କରୁଥିଲେ। ତେବେ ଭାରତୀୟ ସେନାର କାର୍ଯ୍ୟାନୁଷ୍ଠାନ ୭ ଆତଙ୍କବାଦୀ ଟଳିପଡିଥିବାବେଳେ ବାକି ଆତଙ୍କବାଦୀମାନେ ପାକିସ୍ତାନ ଆଡକୁ ଫେରି ପଳାଇଥିଲେ। ସାମ୍ବା ସେକ୍ଟରରେ ପାକିସ୍ତାନ ଦ୍ୱାରା ହୋଇଥିବା ପ୍ରବଳ ଗୁଳିମାଡ଼ର ବିଏସଏଫ କଡା ଜବାବ ମଧ୍ୟ ଦେଇଛି | ବିଏସଏଫ ମଧ୍ୟ ଅନ୍ତର୍ଜାତୀୟ ସୀମା ସଂଲଗ୍ନ ଶକରଗଡ଼ ଏବଂ ସିଆଲକୋଟ ଅଞ୍ଚଳକୁ ଟାର୍ଗେଟ କରି ଗୁଳି ବର୍ଷା କରିଛି | ଏହି ଦୁଇଟି ଅଞ୍ଚଳକୁ ଭାରତୀୟ ବାୟୁସେନା ଦ୍ୱାରା ଅପରେସନ ସିନ୍ଦୁରରେ ମଧ୍ୟ ଟାର୍ଗେଟ କରାଯାଇଥିଲା ।ପ୍ରତିରକ୍ଷା ମନ୍ତ୍ରଣାଳୟ ଏକ ବିବୃତ୍ତିରେ ପାକିସ୍ତାନୀ ଡ୍ରୋନ୍ ଏବଂ କ୍ଷେପଣାସ୍ତ୍ର ଆକ୍ରମଣ ନଷ୍ଟ ହୋଇଥିବା ନିଶ୍ଚିତ କରିଛି। ପ୍ରତିରକ୍ଷା ମନ୍ତ୍ରଣାଳୟ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ପୋଷ୍ଟ କରି ଲେଖିଛି ଯେ ଜମ୍ମୁ, ପଠାନକୋଟ ଏବଂ ଉଧମପୁରରେ ସାମରିକ ଷ୍ଟେସନଗୁଡ଼ିକୁ ପାକିସ୍ତାନୀ ଡ୍ରୋନ ଏବଂ କ୍ଷେପଣାସ୍ତ୍ର ଦ୍ୱାରା ଟାର୍ଗେଟ କରାଯାଇଥିଲା ଓ ଭାରତର ଏହାର ମୁହଁତୋଡ ଜବାବ ଦେଇଛି |