ଚେନ୍ନାଇରେ ବିରୋଧୀ ଦଳଙ୍କ ମେଳି

ଚେନ୍ନାଇ ଗଲା ବିଜେଡି । ବିଜେପି ବିରୋଧରେ ବାନ୍ଧିବ ମେଳି । ବସିବ ବୈଠକ, ରାଜନୀତି ପାଇଁ କଷିବ ଅଙ୍କ । ଶନିବାର ଦିନ ଚେନ୍ନାଇରେ ହେବାକୁ ଥିବା ବୈଠକରେ ଯୋଗ ଦେବାକୁ ଚେନ୍ନାଇ ଯାଇଛନ୍ତି ବିଜେଡି ପ୍ରତିନିଧି । ଡିଲିମିଟେସନ ନେଇ ଏହି ବୈଠକ ହେବାକୁ ଯାଉଛି । ବିଜେଡିର ଦୁଇ ନେତା ସଞ୍ଜୟ ଦାସବର୍ମା ଓ ଅମର ପଟ୍ଟନାୟକ ଚେନ୍ନାଇ ଯାଇଛନ୍ତି ।

ତେବେ ଗସ୍ତ ପୂର୍ବରୁ ସେମାନେ କହିଛନ୍ତି, ଓଡ଼ିଶାର ସ୍ବାର୍ଥ ପାଇଁ ବିଜେଡି ସ୍ବର ଉତ୍ତୋଳନ କରିବ । ଜନସଂଖ୍ୟା ନିୟନ୍ତ୍ରଣରେ ଜାତୀୟ ସ୍ତରରେ ଓଡ଼ିଶାର ପ୍ରଦର୍ଶନ ଭଲ। ଜନସଂଖ୍ୟାକୁ ଦେଖି ଡିଲିମିଟେସନ କରାଗଲେ ଓଡ଼ିଶା ପ୍ରଭାବିତ ହେବ । ବିଜେଡି ଆଭିମୁଖ୍ୟ ସେଠାରେ କହିବୁ ବୋଲି କହିଛନ୍ତି ସଞ୍ଜୟ ଦାସବର୍ମା ।