ବିଜେଡି ନେତାଙ୍କ ବିସ୍ପୋରକ ବୟାନ

ନିର୍ବାଚନର ଦିନ କେଇଟା ଭିତରେ ଲୋକଙ୍କ ଆଶା ଓ ଭରସାରେ ଫେଲ ହୋଇଛି ବିଜେପି । ସରକାରଙ୍କ ବିଫଳତା ଅସନ୍ତୋଷ ବୃଦ୍ଧିର କାରଣ ପାଲଟିଛି । ଆଉ ଓଡ଼ିଶାବାସୀ ନବୀନଙ୍କ ସୁଶାସନକୁ ଝୁରି ହେଉଛନ୍ତି । ଆଜି ଯଦି ରାଜ୍ୟରେ ନିର୍ବାଚନ ହେବ ତେବେ ବିଜେଡି ୧୦୦ରୁ ଅଧିକ ଆସନରେ ଜିତିବ । ନବରଙ୍ଗପୁରରେ ବିଜୁ ଜନତା ଦଳର ଜନସମ୍ପର୍କ ପଦଯାତ୍ରା ଅବସରରେ ଏଭଳି ଦୃଢୋକ୍ତି ପ୍ରକାଶ କରିଛନ୍ତି ଦଳୀୟ ନେତା ତଥା ସାଂସଦ ମୁନା ଖାଁ ।

ସେ କହିଛନ୍ତି, ନିର୍ବାଚନରେ ବିଜେପି ଯାହା ପ୍ରତିଶ୍ରୁତି ଦେଇଥିଲା ତାହା ପୂରଣ କରିବାରେ ବିଫଳ ହୋଇଛି । ବିଜେଡି ଛାଡି ବିଜେପିରେ ଯୋଗ ଦେଇଥିବା ୨୨ ଜଣଙ୍କ ମଧ୍ୟରୁ ବିଜେପି ଟିକେଟରେ ବିଜୟୀ ହୋଇଥିବା ୧୪ ବିଧାୟକ ବିଜେଡି ଲିଙ୍କରେ ରହିଛନ୍ତି । ତେଣୁ ଆଜି ଯଦି ନିର୍ବାଚନ ହେବ ତେବେ ବିଜେଡିକୁ ୧୦୦ରୁ ଅଧିକ ସିଟ୍ ମିଳିବା ନିଶ୍ଚିତ । କାରଣ ଏବେ ମଧ୍ୟ ୯୦ ପ୍ରତିଶତ ବ୍ଲକ ଓ ଜିଲ୍ଲା ପରିଷଦ ବିଜେଡି ଦଖଲରେ ରହିଛି ।

ନବରଙ୍ଗପୁରରେ ଚାଲିଥିବା ବିଜେଡିର ଜନ ସମ୍ପର୍କ ପଦଯାତ୍ରାରେ ରାଜ୍ୟସଭା ସାଂସଦ ମୁନା ଖାଁଙ୍କ ଭାଷଣକୁ ନେଇ ଏବେ ଚର୍ଚ୍ଚା ଆରମ୍ଭ ହୋଇଯାଇଛି ।