ଗୁଜରାଟରେ  ଭୁଶୁଡ଼ିଲା ନିର୍ମାଣଧୀନ ବ୍ରିଜ୍, ୩ ଶ୍ରମିକଙ୍କ ମୃତ୍ୟୁ

ଗୁଜରାଟର ଆନନ୍ଦ ଜିଲ୍ଲାରେ ସୋମାବାର ମର୍ମନ୍ତୁଦ ଦୁର୍ଘଟଣା ଘଟିଛି । ବୁଲେଟ୍ ଟ୍ରେନ ପରିଯୋଜନା ନିର୍ମାଣ ସ୍ଥଳରେ କଂକ୍ରିଟ୍ ବ୍ଲକ୍ ଭୁଶୁଡ଼ି ପଡ଼ିଛି । ବ୍ରିଜ୍ ଭୁଶୁଡ଼ିବା ଯୋଗୁଁ ଅନେକ ଶ୍ରମିକ ଏହା ତଳେ ଚାପି ହୋଇଛନ୍ତି । ଦୁର୍ଘଟଣାର ସୂଚନା ମିଳିବା ପରେ ଘଟଣାସ୍ଥଳରେ ଆନନ୍ଦ ପୋଲିସ ଏବଂ ଅଗ୍ନିଶମ ବାହିନୀ ଟିମ୍ ପହଞ୍ଚି ଉଦ୍ଧାରକାର୍ଯ୍ୟକୁ ଜୋରଦାର କରିଛନ୍ତି । ବର୍ତ୍ତମାନ ସୁଦ୍ଧା ତିନି ଶ୍ରମିକଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରାଯାଇଛି । ତେବେ ସମସ୍ତଙ୍କ ମୃତ୍ୟୁ ହୋଇଥିବା ଜଣାପଡ଼ିଛି । ଆହୁରି ୪ ଜଣ ତଳେ ଦବି ରହିଥିବା ସୂଚନା ମିଳିଛି ।

ଦୁର୍ଘଟଣା ସୂଚନା ମିଳିବା ପରେ ନ୍ୟାସନାଲ୍ ହାଇ ସ୍ପିଡ୍ ରେଲ୍ କର୍ପୋରେସନ ଲିମିଟେଡ୍‌ର ଅଧିକାରୀ ମଧ୍ୟ ଘଟଣା ସ୍ଥଳରେ ପହଞ୍ଚିଛନ୍ତି । ନ୍ୟାସନାଲ୍ ହାଇ ସ୍ପିଡ୍ ରେଲ୍ କର୍ପୋରେସନ ଲିମିଟେଡ୍‌ ଘଟଣା ଉପରେ ବୟାନ ଜାରି କରି ବୁଲେଟ୍ ଟ୍ରେନ ପରିଯୋଜନାର ନିର୍ମାଣ ସ୍ଥଳରେ କଂକ୍ରିଟ୍ ବ୍ଲକ୍ ଭୁଶୁଡ଼ିଛି । ଆମ ଟିମ୍ ଉଦ୍ଧାରକାର୍ଯ୍ୟ ଉପରେ ନଜର ରଖିଛି ।