ଗାଙ୍ଗୁଲିଙ୍କ କାର ଆଡ଼କୁ ଯମ ଭଳି ମାଡ଼ି ଆସିଲା ଟ୍ରକ୍
ପୂର୍ବତନ କ୍ରିକେଟର୍ ସୌରଭ ଗାଙ୍ଗୁଲିଙ୍କ କାର୍ ଦୁର୍ଘଟଣାଗ୍ରସ୍ତ । କୋଲକାତା ଦୁର୍ଗାପୁର ଏକ୍ସପ୍ରେସୱେ ଦାଦୁପୁର ନିକଟରେ ଦୁର୍ଘଟଣା । ଟ୍ରକ୍ ପିଟିଦେବାରୁ ଗାଙ୍ଗୁଲିଙ୍କ କାର୍ ଦୁର୍ଘଟଣାସ୍ତ ହୋଇଛି । ଦୁର୍ଘଟଣାରୁ ଅଳ୍ପକେ ବର୍ତ୍ତି ଯାଇଛନ୍ତି ସୌରଭ ଗାଙ୍ଗୁଲି । ବର୍ଦ୍ଧମାନର ଏକ ବିଶ୍ବବିଦ୍ୟାଳୟର କାର୍ଯ୍ୟକ୍ରମରେ ସାମିଲ ହେବାକୁ ଯାଉଥିଲା ବେଳେ ଏହି ଅଘଟଣ ଘଟିଥିଲା ।
ଦୁର୍ଗାପୁର ଏକ୍ସପ୍ରେସୱେରେ ତାଙ୍କ କନଭେୟ ଭିତରେ ହଠାତ୍ ଏକ ଟ୍ରକ ମାଡିଯାଇଥିଲା । ଏଥିରେ କାର୍ ନିୟନ୍ତ୍ରଣ ହରାଇ ବସିଥିଲା । ସ୍ଥିତି ସମ୍ଭାଳିବାକୁ ଡ୍ରାଇଭର ତୁରନ୍ତ ବ୍ରେକ୍ ମାରିଥିଲେ । ଏହି କାରଣରୁ କନଭେୟରେ ସାମିଲ ଗାଡିଗୁଡିକ ପରସ୍ପର ସହ ଧକ୍କା ହୋଇଥିଲେ । ହେଲେ କୌଣସି ବଡ ଦୁର୍ଘଟଣା ଘଟିନଥିଲା । ଦୁର୍ଘଟଣାରେ କାହାର କିଛି କ୍ଷତି ହୋଇନି । ପୂର୍ବତନ କ୍ରିକେଟର ଗାଙ୍ଗୁଲି ସମ୍ପୂର୍ଣ୍ଣ ସୁରକ୍ଷିତ ଅଛନ୍ତି । ଦୁର୍ଘଟଣାର ୧୦ ମିନିଟ୍ ପରେ ସେ ପୁଣି ନିଜର ଯାତ୍ରା ଆରମ୍ଭ କରିଥିବା ଜାଣାପଡିଛି ।
୨୦୨୨ରେ ଦିଲ୍ଲୀ-ଡେରାଡୁନ ହାଇୱେରେ କ୍ରିକେଟର ଋଷଭ ପନ୍ତଙ୍କ ବଡ ଦୁର୍ଘଟଣା ଘଟିଥିଲା । ତାଙ୍କର କାର୍, ଡିଭାଇଡରେ ପିଟି ହୋଇଯାଇଥିଲା । ଏହାପରେ କାରରେ ନିଆଁ ଲାଗିଯାଇଥିଲା । ଦୁର୍ଘଟଣାରେ ପନ୍ତ ଅତି ଗୁରୁତର ହୋଇଥିଲେ । ଦୁଇ ବର୍ଷ ଧରି ହସ୍ପିଟାଲରେ ଚିକିତ୍ସା ପରେ ସେ ସୁସ୍ଥ ହୋଇ କ୍ରିକେଟ ମୈଦାନକୁ ଫେରିଥିଲେ ।