ଇଂଲଣ୍ଡ ବିପକ୍ଷ ପ୍ରଥମ ଦିନିକିଆ ମ୍ୟାଚ ଜିତିଲା ଭାରତ

ଇଂଲଣ୍ଡ ବିପକ୍ଷ ପ୍ରଥମ ଦିନିକିଆ ମ୍ୟାଚ ଜିତିଲା ଭାରତ । ଇଂଲଣ୍ଡ ଏହି ମ୍ୟାଚରେ ୪ ଓ୍ବିକେଟରେ ପରାସ୍ତ ହୋଇଛି । ଭାରତ ପକ୍ଷରୁ ଶୁଭମନ ଗିଲ, ଶ୍ରେୟାସ ଆୟର, ଅକ୍ଷର ପଟେଲ ଦମଦାର ବ୍ୟାଟିଂ କରିଥିଲେ । ସେହିପରି ହର୍ଷିତ ରାଣା ଓ ରବିନ୍ଦ୍ର ଜାଡେଜା ବୋଲିଂରେ କମାଲ କରିଥିଲେ । ଫଳରେ ଭାରତ ପ୍ରଥମ ଦିନିକିଆ ଜିତି ସିରିଜରେ ଆଗୁଆ ରହିଛି ।

ଏହି ମ୍ୟାଚରେ ଟସ ଜିତି ଇଂଲଣ୍ଡ ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲା । ଇଂଲଣ୍ଡ ପକ୍ଷରୁ ଓପନିଂ ଭଲ ଆରମ୍ଭ ହୋଇଥିଲେ ବି ଦଳ ବଡ ସ୍କୋର କରିପାରିନଥିଲା । ଦଳ ପକ୍ଷରୁ ଜୋସ ବଟଲର ୫୨, ଜାକୋବ ବେଥେଲ ୫୧, ସଲ୍ଟ ୪୩ ଓ ଡକେଟ ୩୨ ରନ କରିଥିଲେ । ଫଳରେ ଦଳ ୪୭ ଓଭରରେ ୨୪୮ରେ ଅଲଆଉଟ ହୋଇଥିଲା ।

୨୪୯ ରନର ବିଜୟ ଲକ୍ଷ୍ୟ ନେଇ ମୈଦାନକୁ ଓହ୍ଲାଇଥିବା ଭାରତୀୟ ଦଳ ଏହି ମ୍ୟାଚକୁ ୩୮ ଓଭର ୪ଟି ବଲ ଖେଳି ଜିତି ନେଇଥିଲା । ଦଳ ପକ୍ଷରୁ ଶୁଭମନ ଗିଲ ୮୭, ଶ୍ରେୟାସ ଆୟର ୫୯ ଓ ଅକ୍ଷର ପଟେଲ ୫୨ ରନ କରିଥିଲେ ।