ଜଗଦୀପ ଧନଖଡ଼ଙ୍କୁ ମିଳିଲା ନାହିଁ ସରକାରୀ ଆବାସ

୭୪ ବର୍ଷିୟ ଧନଖଡ଼ ଜୁଲାଇ ୨୧ ତାରିଖରେ ସ୍ୱାସ୍ଥ୍ୟଗତ କାରଣ ଦର୍ଶାଇ ଉପରାଷ୍ଟ୍ରପତି ପଦରୁ ଇସ୍ତଫା ଦେଇଥିଲେ । ଏବେ ସେପ୍ଟେମ୍ବର ୯ ତାରିଖରେ ଉପରାଷ୍ଟ୍ରପତି ନିର୍ବାଚନ ହେବାକୁ ଯାଉଛି । ସେପଟେ ଉପରାଷ୍ଟ୍ରପତି ପଦରୁ ଇସ୍ତଫା ଦେବାର କିଛି ସମୟ ପରେ ତାଙ୍କୁ ସରକାରୀ ବାସଭବନ ଖାଲି କରିବାକୁ ନିର୍ଦ୍ଦେଶ ଦିଆଯାଇଥିଲା ।

ସାମ୍ବିଧାନିକ ନିୟମ ମୁତାବକ ପୂର୍ବ ରାଷ୍ଟ୍ରପତି, ଉପରାଷ୍ଟ୍ରପତି ଓ ପ୍ରଧାନମନ୍ତ୍ରୀଙ୍କୁ ଟାଇପ-୮ ବଙ୍ଗଳା ଆବଣ୍ଟିତ କରାଯାଏ । ଏହି ଆବଣ୍ଟନ ଆବାସ ଓ ସହରୀ କାର୍ଯ୍ୟ ମନ୍ତ୍ରଣାଳୟ କରିଥାଏ । ଏକ ଜାତୀୟ ଖବର କାଗଜ ମୁତାବକ ମନ୍ତ୍ରଣାଳୟ କିଛିଦିନ ତଳେ ଧନଖଡଙ୍କୁ ଭେଟିଥିଲା । ହେଲେ ତାଙ୍କୁ ମିଳିବାକୁ ଥିବା ସରକାରୀ ବାସଭବନକୁ ନେଇ କଥା ଆଗକୁ ବଢିପାରିନଥିଲା । ଏହି କାରଣରୁ ଧନଖଡ ଏବେ ନିଜ ଘରକୁ ଫେରିଯିବାକୁ ନିଷ୍ପତ୍ତି ନେଇଛନ୍ତି ।