ଗତକାଲି ଶପଥପାଠ , ଆଜି ମନ୍ତ୍ରୀମଣ୍ଡଳର ବିଭାଗ ବଣ୍ଟନ

ଗତକାଲି ଆୟୋଜିତ ଶପଥ ଗ୍ରହଣ ପରେ, ଆଜି ନୂତନ ମନ୍ତ୍ରୀମଣ୍ଡଳର ହେଇଛି ବିଭାଗ ବଣ୍ଟନ । ମିଳିଥିବା ସୂଚନା ଅନୁଯାୟୀ ଅମିତ ଶାହାଙ୍କୁ ପୁଣିଥରେ ସ୍ୱରାଷ୍ଟ୍ର ବିଭାଗ ଏବଂ ରାଜନାଥ ସିଂହଙ୍କୁ ପ୍ରତିରକ୍ଷା ବିଭାଗ ଦାୟିତ୍ୱ ଦିଆଯାଇଥିବା ବେଳେ ନୀତିନ ଗଡକରୀଙ୍କୁ ପୁଣିଥରେ ସଡକ ପରିବହନ ବିଭାଗର ମନ୍ତ୍ରୀପଦ ଦେଇଛନ୍ତି ପ୍ରଧାନମନ୍ତ୍ରୀ ମୋଦୀ । ଅନ୍ୟପଟେ ଅଜୟ ଟମଟା ଏବଂ ହର୍ଷ ମଲହୋତ୍ରାଙ୍କୁ ସଡକ ପରିବହନ ବିଭାଗର ରାଷ୍ଟ୍ରମନ୍ତ୍ରୀ ଦାୟିତ୍ୱ ଦିଆଯାଇଛି ।

ମନ୍ତ୍ରୀମଣ୍ଡଳ ରେ ରହିଛନ୍ତି ମନୋହର ଲାଲ ଖଟ୍ଟର – ଶକ୍ତି ଏବଂ ସହର ବିକାଶ ମନ୍ତ୍ରୀ, ଶିବରାଜ ସିଂହ ଚୌହାନ – କୃଷି ମନ୍ତ୍ରୀ , ଚିରାଗ ପାସୱାନ୍ – କ୍ରୀଡା ଓ ଯୁବ ବ୍ୟାପାର ମନ୍ତ୍ରୀ, ଧର୍ମେନ୍ଦ୍ର ପ୍ରଧାନ – ଶିକ୍ଷା ମନ୍ତ୍ରୀ, ନିର୍ମଳା ସୀତାରମଣ – ଅର୍ଥମନ୍ତ୍ରୀ, ସିଆର୍ ପାଟିଲ – ଜଳଶକ୍ତି ମନ୍ତ୍ରାଳୟ, ଏସ ଜୟଶଙ୍କର – ବୈଦେଶିକ ମନ୍ତ୍ରୀ, ଜିତନ ରାମ୍ ମାଞ୍ଝୀ – ଏମଏସଏମଇ ମନ୍ତ୍ରୀ, ଏଚଡି କୁମାରସ୍ୱାମୀ – ଭାରି ଉଦ୍ୟୋଗ ଓ ଇସ୍ପାତ ମନ୍ତ୍ରୀ ଦାୟିତ୍ବ ଦିଆଯାଇଛି ।