ଆଉ କିଛି ସମୟ ପରେ ବଡ ଘୋଷଣା କରିବେ ମୋଦି

ଆଜି ସନ୍ଧ୍ୟା ୫ଟାରେ ଦେଶକୁ ସମ୍ବୋଧିତ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହି ସମୟରେ ବଡ଼ ଘୋଷଣା କରିପାରନ୍ତି ପ୍ରଧାନମନ୍ତ୍ରୀ । ତେବେ ସନ୍ଧ୍ୟାରେ ତାଙ୍କ ଅଭିଭାଷଣ ବିଷୟରେ କୌଣସି ସରକାରୀ ସୂଚନା ଦେବେ ତାହା ଏଯାଏଁ ସ୍ପଷ୍ଟ ହୋଇନାହିଁ । ଆସନ୍ତାକାଲି ୨୨ ସେପ୍ଟେମ୍ବରରୁ ନବରାତ୍ରି ପ୍ରଥମ ଦିନରେ ଜିଏସଟିର ନୂଆ ଦର ଲାଗୁ ହେବ । ଏନେଇ ଦେଶକୁ କିଛି ସମ୍ବୋଧନ କରିପାରନ୍ତି ମୋଦି ।

ଆସନ୍ତାକାଲିରୁ ଜିଏସଟି ହାର ହ୍ରାସ ଆରମ୍ଭ ହେବ ଏବଂ ବହୁ ସଂଖ୍ୟକ ଉତ୍ପାଦର ମୂଲ୍ୟ ହ୍ରାସ ପାଇବାକୁ ଯାଉଛି । ପୂର୍ବ ଚାରୋଟି ସ୍ଲାବରୁ ଦୁଇଟି ସ୍ଲାବ ନବରାତ୍ରିର ପ୍ରଥମ ଦିନ, ସେପ୍ଟେମ୍ବର ୨୨ ସୋମବାରରୁ କାର୍ଯ୍ୟକାରୀ ହେବାକୁ ଯାଉଛି । ପ୍ରଧାନମନ୍ତ୍ରୀ ମୋଦି ନୂତନ GST ହାର କାର୍ଯ୍ୟକାରୀ କରିବା ସମ୍ପର୍କରେ ମଧ୍ୟ ଦେଶବାସୀଙ୍କୁ ସମ୍ବୋଧିତ କରିପାରନ୍ତି ବୋଲି କଳ୍ପନାଜଳ୍ପନା ଚାଲିଛି ।

ଭାରତ-ଆମେରିକା ଟାରିଫ ବିବାଦ ଲାଗି ରହିଛି । ଆମେରିକା ଭାରତ ଉପରେ ୫୦ % ଟାରିଫ ଲଗାଇଛି । ଏହାକୁ ନେଇ ମୋଦି କହିଛନ୍ତି, କୌଣସି ପ୍ରକାରରେ ମଧ୍ୟ ବିଦେଶୀ ଶକ୍ତି ଆଗରେ ମୁଣ୍ଡ ନୁଆଁଇବେ ନାହିଁ । ନିଜ ଦେଶର କ୍ଷକଙ୍କ ହିତରେ କୌଣସି ବୁଝାମଣା କରିବେ ନାହିଁ । ଆଜି ସନ୍ଧ୍ୟାରେ ମୋଦି ଏହା ଉପରେ କିଛି କହିପାରନ୍ତି ବୋଲି ମଧ୍ୟ ଅନୁମାନ କରାଯାଉଛି ।