ଅରୁନ୍ଧତୀ ବାନ୍ଧକଳା ପକ୍ଷରୁ ନୂତନ ସମ୍ବଲପୁରୀ ଶାଢ଼ୀ ର ଫ୍ଲାଗଶିପ ସୋରୁମ ଉଦଘାଟିତ
ଅରୁନ୍ଧତୀ ବାନ୍ଧକଳା ତରଫରୁ ଓଡ଼ିଶାର ପାରମ୍ପରିକ ବୈଭବଶାଳୀ ହସ୍ତତନ୍ତରେ ଧନୀ ସମ୍ବଲପୁରୀ ଶାଢ଼ୀ ର ଫ୍ଲାଗଶିପ ସୋରୁମ, ଭୁବନେଶ୍ବର ଅରୁନ୍ଧତୀ ଜୁଏଲର୍ସ ୨ୟ ମହଲାରେ ଗତକାଲି ଉଦଘାଟିତ ହୋଇଯାଇଛି । ଏହି ଅବସରରେ ଉପମୁଖ୍ୟମନ୍ତ୍ରୀ ଶ୍ରୀମତୀ ପ୍ରଭାତୀ ପରିଡା ମହୋଦୟା ମୁଖ୍ୟ ଅତିଥି, ଅରୁନ୍ଧତୀ ଗ୍ରୁପ ପ୍ରତିଷ୍ଠାତା ଶ୍ରୀ ବ୍ରହ୍ମାନନ୍ଦ ମେହେର, ଅବସରପ୍ରାପ୍ତ ପ୍ରଶାସନିକ ସେବା ଅଧିକାରୀ ତଥା ଅରୁନ୍ଧତୀ ବାନ୍ଧକଳା ର ଆଡ଼ଭାଇଜର ଶ୍ରୀ ସଞ୍ଜୟ କୁମାର ପଣ୍ଡା, ଓଲିଉଡ଼ ଦିବା ଅର୍ଚିତା, ସମାଜସେବୀ ରୋଜାଲିନ ପାଟଶାଣୀ ମିଶ୍ର ପ୍ରମୁଖ ଯୋଗଦାନ କରି ଏହି ବୃହତ ଶୋରୁମର ଶୁଭାରମ୍ଭ କରିଥିଲେ ।
ହସ୍ତତନ୍ତ ସହିତ ଜଡିତ ପ୍ରତ୍ୟେକଟି ଓଡ଼ିଆ ବୁଣାକାର ମାନଙ୍କୁ ଏକ ନୂତନ ଦିଗଦର୍ଶନ ଦେବା ସହ ସେମାନଙ୍କର ସର୍ବାଙ୍ଗୀନ ଉନ୍ନତିସାଧନ କରାଯାଇ ଓଡିଶାର ହସ୍ତତନ୍ତ ଓ ସୃଜନଶୀଳତାକୁ ବିଶ୍ବ ଦରବାରରେ ଏକ ସ୍ବତନ୍ତ୍ର ପରିଚୟ ପ୍ରଦାନ କରିବାର ପରିକଳ୍ପନାରୁ ସୃଷ୍ଟି ଅରୁନ୍ଧତୀ ବାନ୍ଧକଳା । ଏଥି ନିମନ୍ତେ ଅରୁନ୍ଧତୀ ବାନ୍ଧକଳା ତରଫରୁ ସୋନପୁର ଠାରେ ୧୦ ଏକର ପରିମିତ କ୍ୟାମ୍ପସରେ, ୩୦୦୦ ତନ୍ତବୁଣା ଯନ୍ତ୍ର ଏବଂ ୫୦୦୦ ରୁ ଉର୍ଦ୍ଧ ବୁଣାକାର ପୁରୁଷ ଓ ମହିଳାଙ୍କୁ ନେଇ ଆରମ୍ଭ ହେବାକୁ ଯାଉଥିବା ଅତ୍ୟାଧୁନିକ ଗବେଷଣାଗର ଓ ଟ୍ରେନିଂ ସେଣ୍ଟର ଯଥାଶୀଘ୍ର କାର୍ଯ୍ୟକ୍ଷମ ହେବାକୁ ଯାଉଅଛି । ଏଠାରେ ହେବାକୁ ଥିବା ଉର୍ନତ ମାନର ଉତ୍ପାଦକୁ ଜାତୀୟ ଓ ଅନ୍ତର୍ଜାତୀୟ ବଜାରରେ ଯୋଡି ଏକ ସମାନ୍ତରାଳ ବଜାର ସୃଷ୍ଟି କରି ବୁଣାକାରମାନଙ୍କୁ ଅଧିକ ଲାଭାନ୍ଧିତ ଓ ସମ୍ମାନିତ କରାଯିବାର ନିରନ୍ତର ପ୍ରୟାସ କରାଯିବ ।
ଏହି ଅବସରରେ ଅରୁନ୍ଧତୀ ଗ୍ରୁପ ର ପରିଚାଳନା ନିର୍ଦ୍ଦେଶକ ଶ୍ରୀ ମେହେର ପ୍ରକାଶ କରିଛନ୍ତି ଯେ, ଓଡ଼ିଶା ବାନ୍ଧକଳା ଇତିହାସ ବହୁ ପୁରାତନ । ଏହି ପାରମ୍ପରିକ ବୃତ୍ତିରେ ଲିପ୍ତ କାରିଗରଙ୍କ ସଂଖ୍ୟା ମଧ୍ୟ ବହୁତ ସ୍ବଳ୍ପ । ସେମାନଙ୍କ କଳା, ପ୍ରତିଭାରେ ପାରଦର୍ଶୀରେ ଝଲସୁଥିବା ସମ୍ବଲପୁରୀ ଶାଢ଼ୀ କୁ ନେଇ ପ୍ରତ୍ୟେକଟି ଓଡ଼ିଆ ଗୌରବାନ୍ବିତ ହୋଇଥାଏ । ଉଲ୍ଲେଖ ଯୋଗ୍ୟ ଯେ ,ଏହି ଅବସରରେ ବାନ୍ଧଶିଳ୍ପରେ ନିଜସ୍ବ ଚେଷ୍ଟା ବଳରେ ପ୍ରତିଭା ଅର୍ଜନ କରିଥିବା ୫ ଜଣ ପ୍ରତିଭାଶାଳୀ ମହିଳା ବୁଣାକାରଙ୍କୁ ଉପମୁଖ୍ୟମନ୍ତ୍ରୀ ନିଜ କରକମଳରେ ସମ୍ମାନିତ କରି ଏହି ମହତ ଅଭିଯାନର ଶୁଭାରମ୍ଭ କରିଥିଲେ ।