ଭାରତର ଏନ.ଏସ.ଏ ଏବଂ ରୁଷ୍ ରାଷ୍ଟ୍ରପତିଙ୍କ ୱାନଟୁୱାନ ବୈଠକ

NSA ଅଜିତ ଡୋଭାଲଙ୍କୁ ଭେଟିଲେ ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ୍ । ସେଣ୍ଟ ପିଟର୍ସବର୍ଗରେ ୱାନ୍ ଟୁ ୱାନ୍ ବୈଠକରେ ଦୁହେଁ ଆଲୋଚନା କରିଛନ୍ତି । ୟୁକ୍ରେନ୍ ସହ ଯୁଦ୍ଧ ବନ୍ଦ ଓ ଶାନ୍ତି ଆଲୋଚନା ଉପରେ କଥାବାର୍ତ୍ତା ହୋଇଥିବା କୁହାଯାଉଛି । ସେହିପରି ଦ୍ବିପାକ୍ଷିକ ସୁରକ୍ଷାକୁ ନେଇ ଡୋଭାଲ୍-ପୁଟିନ୍ ଆଲୋଚନା କରିଥିବା ସୂଚନା ମିଳିଛି ।

ସୂଚନା ଅନୁସାରେ ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲ୍ ରୁଷ ଗସ୍ତରେ ଯାଇଛନ୍ତି । ବ୍ରିକ୍ସ ଓ ବ୍ରିକ୍ସ ପ୍ଲସ୍‌ ହାଇ ଲେଭେଲ୍ ସୁରକ୍ଷା ଅଧିକାରୀଙ୍କ ବୈଠକରେ ଯୋଗ ଦେବାକୁ ଯାଇଛନ୍ତି ଡୋଭାଲ୍ । ପୂର୍ବରୁ ପୁଟିନ୍ କହିଥିଲେ, ୟୁକ୍ରେନ୍ ସହ ଶାନ୍ତି ଆଲୋଚନାରେ ଭାରତ, ଚୀନ୍ ଓ ବ୍ରାଜିଲ୍ ମଧ୍ୟସ୍ଥତା କରିପାରିବେ। ତା’ର କିଛି ଦିନ ପରେ ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲ୍ ସେଣ୍ଟ ପିଟର୍ସବର୍ଗରେ ପୁଟିନଙ୍କ ସହ ସାକ୍ଷାତ ଆଲୋଚନାକୁ ନେଇ ସାରା ବିଶ୍ବରେ ଚର୍ଚ୍ଚା ଆରମ୍ଭ ହୋଇଛି ।