ପର୍ଯ୍ୟଟନ ବହିରେ ନୂଆଁ ଫର୍ଦ୍ଦ ଆରମ୍ଭ ହେବ ହଟ୍ ଏୟାର ବେଲୁନ
ଆକାଶମାର୍ଗରୁ ମନଭରି ଉପଭୋଗ କରିବେ ପ୍ରକୃତିରାଣୀର ସୁନ୍ଦରତା । ଓଡ଼ିଶାରେ ପ୍ରଥମଥର ପାଇଁ ଆରମ୍ଭ ହେବାକୁ ଯାଉଛି ହଟ୍ ଏୟାର ବେଲୁନ । କୋରାପୁଟ ବୁଲିବାକୁ ଚାହୁଁଥିଲେ ଆପଣଙ୍କ ପାଇଁ ଖୁସି ଖବର। ଏବେ ଆକାଶରେ ବସି କୋରାପୁଟର ସୌନ୍ଦର୍ଯ୍ୟ ଉପଭୋଗ କରିପାରିବେ ଆପଣ । ଏଥିପାଇଁ ଆରମ୍ଭ ହୋଇଛି ଟ୍ରାଏଲ ରନ୍ । ବେଲୁନ ଭିତରେ ବସି ଦୁଃସାହାସିକ ଯାତ୍ରାର ସ୍ୱତନ୍ତ୍ର ଅନୁଭୂତି ନେବେ ପର୍ଯ୍ୟଟକ ।
କୋରାପୁଟ ଜିଲ୍ଲାରେ ବିଭିନ୍ନ ପର୍ଯ୍ୟଟନ ସ୍ଥଳର ସର୍ଭେ କରାଯାଉଛି । ଆଉ ଆଗାମୀ ଦିନରେ ଆଡଭେନଚର ଟୁରିଜିମ ପାଇଁ ବିଭିନ୍ନ ଜାଗାରୁ ହଟ୍ ଏୟାର ବେଲୁନର ଟ୍ରାଏଲ ରନ୍ ଭାବେ କରାଯାଉଛି । କୋରାପୁଟରେ ସୁଉଚ୍ଚ ପାହା, ନଦୀ, ଝରଣା ଏବଂ ଜଳପ୍ରପାତର ଦୃଶ୍ୟ ଭରପୁର । ତେଣୁ ପର୍ଯ୍ୟଟକଙ୍କୁ ଆଖି ଆଗରେ ରଖି ଜିଲ୍ଲା ପ୍ରଶାସନ ଏବେ ଆରମ୍ଭ କରିଛି ଟ୍ରାଏଲ ରନ୍ । ଜିଲ୍ଲାର ଦୁଇଟି ସ୍ଥାନରେ ହଟ୍ ଏୟାର ବେଲୁନ ପରୀକ୍ଷାମୂଳକ ଉଡ଼ାଣ ଏବଂ ଅବତରଣ ସଫଳ ହୋଇଥିବା କହିଛନ୍ତି ପିଡବ୍ଲୁଡି ଅଧିକ୍ଷଣ ଯନ୍ତ୍ରୀ ଶୁଭକାନ୍ତ ବାରିକ କହିଛନ୍ତି । ପ୍ରଥମେ ଡେଙ୍ଗା ଜାନୀଗୁଡା ଏବଂ ପରେ ଓଏସଏପି ପଡ଼ିଆରେ ହଟ୍ ଏୟାର ବେଲୁନର ପରୀକ୍ଷାମୂଳକ କରାଯାଇଥିଲା । ତେବେ ପରୀକ୍ଷଣ ସଫଳ ହୋଇଥିବା ବେଳେ ସରକାରଙ୍କ ଠାରୁ ଅନୁମତିକୁ ଅପେକ୍ଷା କରାଯାଇଛି ।