ପାକିସ୍ତାନକୁ ନେଇ କଣ କହିଲେ ପ୍ରଧାନମନ୍ତ୍ରୀ

ଆମେରିକୀୟ ପଡକାଷ୍ଟର ଲେକ୍ସ ଫ୍ରିଡମ୍ୟାନଙ୍କ ସହ ଆଲୋଚନା ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଭାରତ-ପାକିସ୍ତାନ ସମ୍ପର୍କ ସହିତ ଜଡିତ ଅନେକ ପ୍ରଶ୍ନର ଉତ୍ତର ଦେଇଛନ୍ତି । ପାକିସ୍ତାନର ବିଚାରଧାରା ଉପରେ ପ୍ରଶ୍ନ ଉଠାଇବା ସହିତ ସେ ସ୍ପଷ୍ଟ ଶବ୍ଦରେ କହିଛନ୍ତି ଯେ ବିଶ୍ୱରେ ଯେକୌଣସି ସ୍ଥାନରେ ଆତଙ୍କବାଦୀ ଆକ୍ରମଣ ହୁଏ, ଏହାର ସୂତ୍ର କୋଉଠି ନା କୋଉଠି ପାକିସ୍ତାନ ସହିତ ଜଡିତ ଥାଏ ।ଏବଂ ଆମେ ଆଶା କରୁଛୁ କି ପାକିସ୍ତାନ ଆତଙ୍କବାଦୀଙ୍କ ସମର୍ଥନ କରିବା ବନ୍ଦ କରୁ ଏବଂ ଶାନ୍ତିର ମାର୍ଗ ବାଛୁ ।

ପାକିସ୍ତାନରୁ ଶବ ଭର୍ତ୍ତି ଟ୍ରେନ୍ ଆସିବାର ଭୟଙ୍କର ଦୃଶ୍ୟ
ପ୍ରଧାନମନ୍ତ୍ରୀ ମୋଦୀ କହିଥିଲେ ଯେ ୧୯୪୭ ପୂର୍ବରୁ ସମସ୍ତେ କାନ୍ଧକୁ କାନ୍ଧ ମିଶାଇ ସ୍ୱାଧୀନତା ସଂଗ୍ରାମ ପାଇଁ ଲଢ଼ୁଥିଲେ। ଦେଶ ସ୍ୱାଧୀନତା ପାଳନ କରିବାକୁ ଅପେକ୍ଷା କରିଥିଲା କିନ୍ତୁ ସେତେବେଳେ ନୀତି ନିର୍ଦ୍ଧାରକମାନେ ଭାରତର ବିଭାଜନକୁ ଗ୍ରହଣ କରିଥିଲେ। ଭାରତର ଲୋକମାନେ ବହୁତ ଯନ୍ତ୍ରଣା ଏବଂ ହୃଦୟକୁ କଠୋର କରି, ମୁସଲମାନମାନଙ୍କୁ ସେମାନଙ୍କର ଦେଶ ଦେବାକୁ ରାଜି ହେଲେ । ଏହାର ପରିଣାମ ମଧ୍ୟ ସେତେବେଳେ ଦୃଶ୍ୟମାନ ହୋଇଥିଲା । ଗଣହତ୍ୟାରେ ଲକ୍ଷ ଲକ୍ଷ ଲୋକ ପ୍ରାଣ ହରାଇଥିଲେ । ପାକିସ୍ତାନରୁ ମୃତଦେହ ଭର୍ତ୍ତି ଟ୍ରେନ୍ ଆସିବା ଆରମ୍ଭ ହେଲା । ବହୁତ ଭୟଙ୍କର ଦୃଶ୍ୟ ଥିଲା । ଏହା ପରେ ମଧ୍ୟ, ପାକିସ୍ତାନ ଖୁସିରେ ରହିବା ପରିବର୍ତ୍ତେ ସଂଘର୍ଷର ପଥ ବାଛିଲା  ଏବେ ଏକ ପ୍ରକ୍ସି ଯୁଦ୍ଧ ଚାଲିଛି। ଏହା ଏକ ବିଚାରଧାରା ନୁହେଁ ଯେ ହାଣ ମାର । ଆତଙ୍କବାଦୀମାନଙ୍କୁ ରପ୍ତାନି କରିବାର କାମ ଚାଲିଛି ।
ବିଶ୍ୱର ଯେକୌଣସି ସ୍ଥାନରେ ଆତଙ୍କବାଦୀ ଆକ୍ରମଣ ହୁଏ, ଏହାର ଲିଙ୍କ ପାକିସ୍ତାନ ସହିତ ଜଡିତ ଥାଏ
ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ ବିଶ୍ୱରେ ଯେକୌଣସି ସ୍ଥାନରେ ଆତଙ୍କବାଦୀ ଆକ୍ରମଣ ହୁଏ, ଏହାର ଲିଙ୍କ୍ କୌଣସି ନା କୌଣସି ଭାବରେ ପାକିସ୍ତାନ ସହିତ ଜଡିତ ଥାଏ । ଉଦାହରଣ ସ୍ୱରୂପ, ସେପ୍ଟେମ୍ବର ୧୧ ଆକ୍ରମଣକୁ ନିଆଯାଉ । ଆକ୍ରମଣର  ମାଷ୍ଟରମାଇଣ୍ଡ ଓସାମା ବିନ୍ ଲାଡେନ ଶେଷରେ କେଉଁଠାରୁ ମିଳିଥିଲା ? ସେ ପାକିସ୍ତାନରେ ଆଶ୍ରୟ ନେଇଥିଲା । ବିଶ୍ୱ ସ୍ୱୀକାର କରିଛି ଯେ ପାକିସ୍ତାନ କେବଳ ଭାରତ ପାଇଁ ନୁହେଁ ବରଂ ସମଗ୍ର ବିଶ୍ୱ ପାଇଁ ସମସ୍ୟାର କେନ୍ଦ୍ର ପାଲଟିଛି । ଭାରତ ସେମାନଙ୍କୁ ରାଷ୍ଟ୍ର-ପ୍ରାୟୋଜିତ ଆତଙ୍କବାଦ ପରିତ୍ୟାଗ କରିବାକୁ ନିରନ୍ତର ଅନୁରୋଧ କରିଆସୁଛି । ପ୍ରଧାନମନ୍ତ୍ରୀ ହେବା ପରେ ମଧ୍ୟ ସେ ନିଜେ ଶାନ୍ତି ପ୍ରତିଷ୍ଠା ପାଇଁ ଲାହୋର ଯାଇଥିଲେ ।
ପ୍ରତ୍ୟେକ ଭଲ ପ୍ରୟାସର ଏକ ନକାରାତ୍ମକ ପରିଣାମ ଥାଏ
ସେ କହିଥିଲେ ଯେ ଯେତେବେଳେ ସେ ପ୍ରଥମ ଥର ପାଇଁ ପ୍ରଧାନମନ୍ତ୍ରୀ ଭାବରେ ଶପଥ ନେଉଥିଲେ, ସେ ପାକିସ୍ତାନକୁ ସ୍ୱତନ୍ତ୍ର ଭାବରେ ନିମନ୍ତ୍ରଣ କରିଥିଲେ ଯାହାଦ୍ୱାରା ଭଲ ସମ୍ପର୍କର ସ୍ଥାପନା ହୋଇପାରିବ । କିନ୍ତୁ ପ୍ରତ୍ୟେକ ଭଲ ପ୍ରୟାସର ନକାରାତ୍ମକ ଫଳାଫଳ ବାହାରିଲା । ସେ ଆଶା କରିଥିଲେ ଯେ ସେମାନେ ସମୃଦ୍ଧି ଲାଭ କରିବେ ଏବଂ ଶାନ୍ତିର ପଥ ବାଛିବେ । ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ ପାକିସ୍ତାନର ଲୋକମାନେ ମଧ୍ୟ ଶାନ୍ତି ଚାହାଁନ୍ତି କାରଣ ସେମାନେ ମଧ୍ୟ ସଂଘର୍ଷ ଏବଂ ଅଶାନ୍ତିରେ ବଞ୍ଚି ବଞ୍ଚି କ୍ଳାନ୍ତ ହୋଇଗଲେଣି । ସେମାନେ ଆତଙ୍କବାଦୀଙ୍କ ଗହଣରେ ଅଣନିଶ୍ବାସ ହେଇଗଲେଣି । ଯେଉଁଠାରେ ପ୍ରତ୍ୟେକ ଦିନ ନିର୍ଦ୍ଦୋଷ ପିଲାମାନଙ୍କୁ ହତ୍ୟା କରାଯାଏ ଏବଂ ଅଗଣିତ ଲୋକ ବିନା କାରଣରେ ପ୍ରାଣ ହରାଉଛନ୍ତି ।