ଟ୍ରମ୍ପକୁ ୩୪୦୦ କୋଟିର ବିମାନ ଗିଫ୍ଟ

ଡୋନାଲ୍ଡ ଟ୍ରମ୍ପ ଚଳିତ ମାସ ମେ ୧୪ ତାରିଖରେ କାତାର ଗସ୍ତରେ ଯାଉଛନ୍ତି । ଆଉ ଏହି ସମୟ ମଧ୍ୟରେ, କାତାର ସରକାର ତାଙ୍କୁ ଏକ ବିଳାସପୂର୍ଣ୍ଣ ବୋଇଂ ୭୪୭-୮ ଜମ୍ବୋ ଜେଟ୍ ଉପହାର ଦେଉଛନ୍ତି । ଏହି ବିମାନର ମୂଲ୍ୟ ପ୍ରାୟ ୩୪୦୦ କୋଟି ଟଙ୍କା ବୋଲି କୁହାଯାଉଛି । ଏହି ଉପହାର କୌଣସି ଆମେରିକୀୟ ରାଷ୍ଟ୍ରପତିଙ୍କୁ ମିଳିଥିବା ସବୁଠାରୁ ମହଙ୍ଗା ଉପହାର ।

ତେବେ ଟ୍ରମ୍ପ ଅସ୍ଥାୟୀ ଭାବରେ ଏହି ବିମାନକୁ ଏୟାର ଫୋର୍ସ ୱାନର ବିକଳ୍ପ ଭାବରେ ବ୍ୟବହାର କରିବେ । ବୋଇଂ ୭୪୭-୮ ଭିତର କୌଣସି ରାଜପ୍ରାସାଦ ଠାରୁ କମ୍ ନୁହେଁ । ଟ୍ରମ୍ପ ବର୍ତ୍ତମାନ ବ୍ୟବହାର କରୁଥିବା ବିମାନର ନାମ ହେଉଛି ଟ୍ରମ୍ପ ଫୋର୍ସ ୱାନ୍ , ଏହା ତୁଳନାରେ କାତାରରୁ ସେ ଯେଉଁ ବିମାନ ପାଇବେ ତାହା ବହୁତ ଅଧିକ ଆଧୁନିକ, ବିଳାସପୂର୍ଣ୍ଣ ଏବଂ ସୁରକ୍ଷିତ ।

ଏହାକୁ ବିଶ୍ୱର ସବୁଠାରୁ ବିଳାସପୂର୍ଣ୍ଣ ଭିଭିଆଇପି ବିମାନ ମଧ୍ୟରେ ଗଣନା କରାଯାଏ । ଯଦି ରିପୋର୍ଟଗୁଡ଼ିକୁ ବିଶ୍ୱାସ କରାଯାଏ , ତେବେ ଏଥିରେ ଯୋଗାଇ ଦିଆଯାଇଥିବା ସମସ୍ତ ସୁବିଧା ରାଷ୍ଟ୍ରପତିଙ୍କ ଅନୁସାରେ କଷ୍ଟମାଇଜ୍ କରାଯାଇଛି । ଏହି ବିମାନକୁ ନେଇ ଏକ ବିବାଦ ମଧ୍ୟ ଆରମ୍ଭ ହୋଇଛି ।