ଜଣାପଡ଼ିଲା ରଶ୍ମିକା-ବିଜୟଙ୍କ ବିବାହ ତାରିଖ

ସାଉଥ ଫିଲ୍ମ ଜଗତର ଜଣାଶୁଣା ଯୋଡ଼ି ରଶ୍ମିକା ଏବଂ ବିଜୟ ଦେବରକୋଣ୍ଡାଙ୍କ ସମ୍ପର୍କ ପୂର୍ବରୁ ଚର୍ଚ୍ଚାରେ ରହିଛି । ଉଭୟଙ୍କ ବିବାହ କେବେ ହେବ ଏହାକୁ ନେଇ ଫ୍ୟାନ୍ସମାନେ ବିଭିନ୍ନ ସମୟରେ ଗୁଜବମାନ ପ୍ରଚାର କରିଥାନ୍ତି । ଗତବର୍ଷ ଉଭୟଙ୍କ ନିର୍ବନ୍ଧ ଶେଷ ହୋଇଛି । ଯଦିଓ ଏଯାବତ କୌଣସି ଅଫିସିଆଲ ସୂଚନା ଦେଇନାହାନ୍ତି । ମାତ୍ର ଗୁ୍ତରେ ନିର୍ବନ୍ଧ ସରିଥିବାର ଫଟୋ ସୋସିଆଲ ମିଡିଆରେ ଭାଇରାଲ ହୋଇଥିଲା । ଫେବୃଆରୀ ୨ ତାରିଖରେ ହାତଗଣ୍ଠି ପଡ଼ିବ ବୋଲି ପ୍ରଥମେ ଚର୍ଚ୍ଚା ହୋଇଥିଲା । ମାତ୍ର ଏକ ଗୁଜବ ଥିଲା । ମାତ୍ର ଏଥରକ ଆଉ ଏକ କାର୍ଡ ଦେଖିବାକୁ ମିଳିଛି । ଯେଉଁଟି ସେମାନଙ୍କ ବିବାହ କାର୍ଡ ବୋଲି ଦାବି କରାଯାଉଛି ।

ଡିସେମ୍ବର ୨୬ ତାରିଖରେ ପଡ଼ିବ ହାତଗଣ୍ଠି । ଏଭଳି ଅନେକ ଗଣମାଧ୍ୟମରେ ମଧ୍ୟ ଖବର ପ୍ରକାଶ ପାଇଛି । ସୋସିଆଲ ମିଡିଆରେ ଭାଇରାଲ ହେଉଥିବା କାର୍ଡରେ ମଧ୍ୟ ଏହି ତାରିଖ ଲେଖାଯାଇଛି । ଯେଉଁ ବିବାହ କାର୍ଯ୍ୟକ୍ରମରେ ନିକଟତମ ବନ୍ଧୁ ପରିଜନଙ୍କ ସହ ବହୁ ଭିଆଇପି ଅତିଥୀମାନେ ଯୋଗଦେବେ । ତେବେ ମାର୍ଚ୍ଚ ୪ ତାରିଖରେ ଏକ ଗ୍ରାଣ୍ଡ ରିସେପସନ ପାର୍ଟିରେ ଆୟୋଜନ କରାଯାଇଥିବା ଜଣା ପଡ଼ିଛି ।

ସେପଟେ ଏହି ବିବାହ ଚର୍ଚ୍ଚା ଭିତରେ ଉଭୟଙ୍କୁ ମୁମ୍ବାଇରେ ଦେଖିବାକୁ ମିଳିଛି । ସେମାନେ ଅଲଗା ଅଲଗା ଫ୍ଲାଇଟରେ ଆସିଥିବାବେଳେ ଗୋଟିଏ କାରରେ ମିଶି ଯାଇଥିଲେ । ଏଣୁ ବିବାହ ପାଇଁ ଉଭୟ କିଛି ସପିଂ ପାଇଁ ଯାଇଥିବା କୁହାଯାଉଛି । ହାଇଦ୍ରାବାଦରେ ସେମାନଙ୍କ ରିସେପସନ୍ ହେବ ବୋଲି ଚର୍ଚ୍ଚା ହେଉଛି । ଯେଉଁ କାର୍ଯ୍ୟକ୍ରମରେ ସାଉଥ ଫିଲ୍ମ ଜଗତର କଳାକାରଙ୍କ ସହ ବହୁ ଭିଆଇପି ଭିଭିଆଇପି ମାନେ ଯୋଗଦେବେ ବୋଲି କୁହାଯାଉଛି । ମାତ୍ର ଏଯାବତ ବିଜୟ କିମ୍ବା ରଶ୍ମିକା ଗଣମାଧ୍ୟମ ସମ୍ମୁଖରେ କୌଣସି ସୂଚନା ଦେଇନାହାନ୍ତି ।