ଭୁବନେଶ୍ବର-କଟକରେ ହେବ ୬ ଲେନ୍ ବିଶିଷ୍ଟ ରିଙ୍ଗ୍ ରୋଡ

ଭୁବନେଶ୍ବର-କଟକରେ ହେବ ୬ ଲେନ୍ ବିଶିଷ୍ଟ ରିଙ୍ଗ୍ ରୋଡ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ଆର୍ଥିକ ବ୍ୟାପାର କ୍ୟାବିନେଟ କମିଟି ଓଡ଼ିଶାରେ ଏକ ୬ ଲେନ୍ ପ୍ରବେଶ-ନିୟନ୍ତ୍ରିତ ଭୁବନେଶ୍ବର ରିଙ୍ଗ ରୋଡ୍ ନିର୍ମାଣକୁ ଅନୁମୋଦନ କରିଛି । ଏହି ପ୍ରକଳ୍ପକୁ ହାଇବ୍ରିଡ୍ ଆନୁଇଟି ମୋଡ୍ (HAM) ଟେଣ୍ଡର ବ୍ୟବହାର କରି ୮,୩୦୭.୭୪ କୋଟି ଟଙ୍କାର ମୋଟ ପୁଞ୍ଜି ବ୍ୟୟରେ ବିକଶିତ କରାଯିବ ।

ମୋଟ ୮ ହଜାର ୩୦୭ କୋଟି ଟଙ୍କାରେ ମୋଟ ୧୧୦.୮୭୫ କିଲୋମିଟର ବିଶିଷ୍ଟ ଏହି ରିଙ୍ଗ୍ ରୋଡ ପ୍ରସ୍ତୁତ କରାଯିବ । ଏହି ପ୍ରସ୍ତାବକୁ କେନ୍ଦ୍ର କ୍ୟାବିନେଟ୍ ମଂଜୁର କରିଥିବା ବେଳେ ଏ ସଂପର୍କରେ ଘୋଷଣା କରିଛନ୍ତି କେନ୍ଦ୍ରମନ୍ତ୍ରୀ ଅଶ୍ୱିନୀ ବୈଷ୍ଣବ ।

ପ୍ରକଳ୍ପର ସଂରଚନା ତିନୋଟି ପ୍ରମୁଖ ଜାତୀୟ ରାଜପଥ (NH-55, NH-57, ଏବଂ NH-655) ଏବଂ ଗୋଟିଏ ରାଜ୍ୟ ରାଜପଥ (SH-65) ସହିତ ଏହାକୁ ସଂଯୋଗ କରିବ । ଯାହା ସମଗ୍ର ଓଡ଼ିଶାରେ ପ୍ରମୁଖ ଅର୍ଥନୈତିକ, ସାମାଜିକ ଏବଂ ଲଜିଷ୍ଟିକ୍ସ ହବ୍ ସହିତ ନିର୍ବିଘ୍ନ ସଂଯୋଗୀକରଣକୁ ସୁନିଶ୍ଚିତ କରିବ ।

ଏହା ସହିତ, ଉନ୍ନତ କରିଡର ୧୦ ଟି ଅର୍ଥନୈତିକ ନୋଡ୍, ୪ ଟି ସାମାଜିକ ନୋଡ୍ ଏବଂ ୫ ଟି ଲଜିଷ୍ଟିକ୍ ନୋଡ୍ ସହିତ ସଂଯୋଗ କରି ମଲ୍ଟି-ମୋଡାଲ୍ ସମନ୍ୱୟକୁ ଉନ୍ନତ କରିବ ।