ବିଦେଶ ଗସ୍ତରେ ବିଶ୍ବନେତାଙ୍କୁ ମୋଦିଙ୍କ ଉପହାର

ବିଦେଶ ଗସ୍ତରେ ବିଶ୍ବନେତାଙ୍କୁ ମୋଦିଙ୍କ ଉପହାର । ଭାରତର ବିଭିନ୍ନ ପାରମ୍ପରିକ କଳାକୃତିକୁ ଉପହାର ଆକାରରେ ପ୍ରଦାନ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।

ଏହି କଳାକୃତି ମଧ୍ୟରେ ରହିଛି ଓଡ଼ିଶାର କୋଣାର୍କ ଚକ୍ରର ପ୍ରତିକୃତି ଓ ରଘୁରାଜପୁର ପଟ୍ଟଚିତ୍ର, କଟକର ରୁପା ତାରକସୀ ପର୍ସ । ଜି-୭ ସମ୍ମିଳନୀରେ ଯୋଗ ଦେବା ଅବସରରେ ଜର୍ମାନ ଚାନସେଲର ଫ୍ରିଏଡ୍ରିଚ ମର୍ଜଙ୍କୁ କୋଣାର୍କ ଚକ୍ରର ପ୍ରତିକୃତି ଉପହାର ଦେଇଛନ୍ତି ।

କୋଣାର୍କ ଚକ୍ରର ପ୍ରତିକୃତିକୁ ବାଲିପଥରରେ ନିର୍ମାଣ କରାଯାଇଛି। କୋଣାର୍କ ସୂର୍ଯ୍ୟମନ୍ଦିରର ଚକ ଭଳି ପ୍ରତିକୃତିରେ ମଧ୍ୟ ୨୪ଟି ଅର ରହିଛି । ସେହିପରି କ୍ରୋଏସିଆ ରାଷ୍ଟ୍ରପତି ଜୋରାନ ମିଲାନୋଭିକଙ୍କୁ ପଟ୍ଟଚିତ୍ର ଉପହାର ଦେଇଛନ୍ତି ମୋଦି। ପଟ୍ଟଚିତ୍ର ଓଡ଼ିଶାର ପାରମ୍ପରିକ ସୁନ୍ଦର କଳାକୃତି । କାନାଡ଼ାର ଗଭର୍ଣ୍ଣର ଜେନେରାଲ ମାରି ସିମନଙ୍କୁ କଟକରୁପା ତାରକସୀ ପର୍ସ ଉପହାରରେ ଦେଇଛନ୍ତି ।